नाशिक : जिल्हा मध्यवर्ती सहकारी बॅंकेकडून यंदा रब्बी हंगामासाठी (Rabi Season) २७.४३ कोटी कर्ज वाटपाचे (Crop Loan) लक्षांक निश्चित करण्यात आले असून, यापैकी आतापर्यंत एक हजार सभासदांना १०.२५ कोटींचे (३७ टक्के) कर्ज वाटप (Loan Allocation) करण्यात आले आहे. संथगतीने असलेली पीक कर्ज वाटपाची प्रक्रियेला दिवाळीनंतर वेग येण्याची शक्यता आहे.

जिल्ह्यात खरीप व रब्बी हंगामासाठी ३९ हजार ९२८ हेक्टर क्षेत्रावरील ५१ हजार ५८७ शेतकऱ्यांना ५७९.२४ कोटींचे कर्जवाटपाचे लक्षांक निश्चित करण्यात आले आहे.

यात खरीप हंगामासाठी ५५१.८१ कोटींचे उद्दिष्ट्य होते. यापैकी ५० हजार ६५० शेतकऱ्यांना ३ नोव्हेंबर २०२२ अखेर ४४६.८२ कोटींचे कर्ज वाटप झाले आहे.