आज आपण सोयाबीन, कापूस, मका, गवार आणि स्ट्राॅबेरी बाजाराची माहिती घेणार आहोत.सोयाबीन दरात सुधारणादेशातील बाजारात आजही सोयाबीनच्या दरात काहीशी सुधारणा झाली आहे. प्रक्रिया प्लांट्सचे भाव आज ४ हजार ७५० ते ४ हजार ८०० रुपयांच्या दरम्यान होते. बाजारातील सोयाबीनची आवक कमीच आहे. बाजारातील आवक मर्यादीत असल्याने दराला काहीसा आधार मिळत आहे. बाजार समित्यांमध्येही सोयाबीन ४ हजार १०० ते ४ हजार ४०० रुपयांच्या दरम्यान होते. बाजारातील सोयाबीनची आवक पुढील काही दिवसांमध्ये पुन्हा घट होण्याची शक्यता आहे. याचा आधार सोयाबीनच्या दराला मिळू शकतो, असा अंदाज सोयाबीन बाजारातील अभ्यासकांनी व्यक्त केला. .कापूस दर टिकूनदेशातील बाजारात कापसाचे दर टिकून आहेत. बाजारातील कापूस आवक जास्त असली तरी जास्तीत जास्त कापूस सीसीआय खरेदी करत आहे. त्यामुळे दर टिकून आहेत. दुसरीकडे सीसीआयची खरेदीही वाढत आहे. कापसाची आयातही चांगली सुरु आहे. याचाही दबाव दरावर आहे. सध्या कापूस बाजारात ७ हजार ते ७ हजार ५०० रुपयांच्या दरम्यान आहेत. काही बााजारांमध्ये कमाल दर ७ हजार ८०० रुपयांच्या दरम्यान आहेत. कापसाच्या दरात काहीसे चढ उतार दिसू शकतात, असा अंदाज कापूस बाजारातील अभ्यासकांनी व्यक्त केला..Agrowon Podcast: सोयाबीनमध्ये दरात चढ-उतार; कापूस दर स्थिर, मका आवक टिकून, तुरीचे भाव दबावातच तर भेंडीचे दर टिकून.मक्याची आवक टिकूनराज्यातील बाजारात मक्याची आवक टिकून आहे. बाजारात आवक गेल्यावर्षीच्या तुलनेत अधिक असल्याचे बाजारातील आकड्यांवरून स्पष्ट होते. तर दुसरीकडे मक्याला उठाव मर्यादीत आहे. रब्बीत मक्याची पेरणीही चांगली सुरु आहे. सध्या मका बाजारात सरासरी १ हजार ६०० ते १ हजार ८०० रुपयांच्या दरम्यान दर मिळत आहे. किमान दर १३०० रुपयांपासून सुरु आहे. तर प्रक्रिया प्लांट्सचा भाव काही ठिकाणी २ हजार ते २१०० रुपये देखील मिळाला. मक्याची बाजारातील आवक पुढील काही आठवडे टिकून राहू शकते, असा अंदाज मका बाजारातील अभ्यासकांनी व्यक्त केला..Agrowon Podcast: कांदा दरात सुधारणा; सोयाबीन स्थिरावले, हिरवी मिरची टिकून, वांगी आवक स्थिर तर मुगाचा भाव दबावातच.स्ट्राॅबेरीची आवक मर्यादीतचबाजारत स्ट्राॅबेरीची आवक सुरु झाली. सध्याची आवक कमी आहे. परंतु बाजारात येणाऱ्या आंबट गोड स्ट्राॅबेरीला सध्या चांगला उठाव आहे. आवक कमी आणि चांगला उठाव यामुळे दर चांगले आहेत. सध्या पुणे, मुंबईसह इतर बाजारात आवक दिसत आहे. पण मुंबईतील आवक आणि दर जास्त आहेत. तर स्ट्राॅबेरीचा सरासरी भाव ९ हजार ते १० हजार रुपये प्रतिक्विंटलच्या दरम्यान आहे. स्ट्राॅबेरीची आवक पुढील काही आठवड्यांमध्ये सुधारण्याची शक्यता आहे, असा अंदाज व्यापारी व्यक्त करत आहे..गवारला चांगला उठावराज्यातील बाजारात गवारची आवक मर्यादीतच आहे. गवारला दुसरीकडे चांगला उठाव आहे. त्यामुळे गवारचे दर तेजीत आहेत. सध्या गवार बाजारात ७ हजार ते ८ हजार रुपये प्रतिक्विंटलच्या दरम्यान विकली जात आहे. पुणे, मुंबई, नागपूर, अमरावती, नाशिक या बाजारांमध्ये दर जास्त आहेत. गवारला काही बाजारांमध्ये कमाल १० हजारांचाही भाव मिळाला. गवारची बाजारातील आवक पुढील काही दिवस मर्यादीतच राहू शकते, असा अंदाज व्यापाऱ्यांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
