Dushkalat Turichi Kalaji: दुष्काळाच्या संकटाचा तूर पिकावरही परिणाम झाला. कमी वाढ, फुलगळ या समस्यांना शेतकरी सामोरे जात आहेत. यामुळे तुरीच्या उत्पादनात घट येणाची शक्यता आहे. त्यामुळे शेतकऱ्यांनी वेळीच अन्नद्रव्यांच्या फवारण्या आणि जमिनीतला ओलावा टिकवून पिके वाचवण्याचा सल्ला कडधान्य संशोधन विभागातील तज्ज्ञांनी दिला आहे. .जमिनीतील ओलावा महत्त्वाचाजास्त उष्णता, कमी पाणी यामुळे जमिनीतील ओलावा मोठ्या प्रमाणात कमी होतो. त्यामुळे तूर पिकाच्या मुळांची वाढ मंदावते. पाणी मुळात कमी असते, तसेच मुळे जमिनीतील अन्नद्रव्येही शोषू शकत नाहीत. त्यामुळे पिकाच्या वाढीवर परिणाम होतो. त्यामुळे शेतकऱ्यांनी सर्वात आधी जमिनीतील ओलावा टिकवण्यावर भर देण्याचा सल्ला तज्ज्ञांनी दिला आहे. यासाठी शेतकऱ्यांनी जमिनीवर आच्छादन करावे. उपलब्ध काडी कचरा जमिनीवर आंथरुन द्यावा. जेणेकरुन जमिनीवर थेट सू्र्यप्रकाश पडणार नाही, आणि जमिनीचे तापमान वाढणार नाही..Tur Pest Control: तुरीवरील पाने गुंडाळणाऱ्या अळीची कशी ओळखाल?.संरक्षित सिंचनावर भरज्या शेतकऱ्यांकडे पाणी उपलब्ध आहे त्यांनी पिकाला संवेदनशील अवस्थेत संरक्षित सिंचन करायचे आहे. यामुळे पिकाला पाण्याची सर्वाधिक गरज असताना त्याला पाणी मिळते आणि पिकाच्या वाढीवर परिणाम होत नाही. उत्पादन टिकवण्यासाठी मदत होते. ज्या शेतकऱ्यांकडे उपलब्ध आहे त्यांनी ठिबक सिंचन, तुषार सिंचनावर भर द्यायचा आहे. ज्यांनी आंतरपीक पीक अवलंबली आहे त्यांच्यासाठी तूर पिकात ठिबक सिंचन फायद्याचे ठरु शकते..Tur Crop Spraying: तुरीची वाढ खुंटल्यास काय फवारावे? .अन्नद्रव्यांच्या फवारण्यापिकाची वाढ कमी पाण्यात टिकवण्यासाठी पिकाला हवेतून पाणी देऊन आणि त्यातूनच अन्नद्रव्यांची फवारणी करुन पीक वाचवता येते किंबहुना चांगले उत्पादन मिळते. यामध्ये शेतकरी २ टक्के युरिया किंवा २ टक्के डिएपी म्हणजेच १ लिटर पाण्यामध्ये २० ग्रॅम युरिया किंवा डिएपी मिसळून फवारणी करायचीये. यामुळे पिकाची वाढ चांगली होते..सूक्ष्म अन्नद्रव्यांना विसरु नकापिकाच्या वाढीसाठी सूक्ष्मअन्नद्रव्येही तितकेच आवश्यक असतात. त्यामुळे शेतकऱ्यांनी तूर पिकावर सूक्ष्म अन्नद्रव्ये ग्रेड १० (PDKV micrograde-X) ची फवारणी करावी. ही फवारणी करण्यासाठी फुलोऱ्यापूर्वी ०.५ टक्के (५ मिली/ लिटर) तर फुलोऱ्यानंतर १ टक्का (१० मिली/ लिटर) फवारणी करावी, असा सल्ला डॉ. पंजाबराव देशमुख कृषि विद्यापीठातील कडधान्य संशोधन विभागातील वरिष्ठ संशोधन शास्त्रज्ञ डॉ. विजयकुमार गावंडे यांनी दिला आहे..कमी पाण्यात तग धरण्यासाठी..बऱ्याच भागात पाण्याची टंचाई वाढत आहे. त्यामुळे अशा अवस्थेत कमी पाण्यात तग धरण्यासाठी पोटॅशियम नायट्रेट म्हणजेच १३:०:४५ या खताची १ टक्का फवारणी शेतकऱ्यांनी घ्यावी. यामध्ये पालाशचे प्रमाण जास्त असल्याने पिकाची कमी पाण्यात तग धरण्याची क्षमता वाढते, असा सल्ला डॉ. पंजाबराव देशमुख कृषि विद्यापीठातील कडधान्य संशोधन विभागातील कृषिविद्या सहायक प्राध्यापक डॉ. प्रदीप ठाकरे यांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
