Amaravati News : आगामी जिल्हा परिषद तसेच पंचायत समिती निवडणुकीपूर्वी आयोगाकडून प्रभाग रचनेबाबत नागरिकांकडून हरकती व आक्षेप मागविण्यात आले. जिल्ह्यातून जवळपास १८ हरकती नोंदविण्यात आल्यानंतर त्या विभागीय आयुक्तांकडे पाठविण्यात आल्या. या बाबतचा अंतिम निर्णय १८ ऑगस्टला होणार असल्याने सर्वांच्या नजरा त्याकडे लागल्या आहेत. .न्यायालयीन निर्णयानुसार स्थानिक स्वराज्य संस्थांची निवडणूक ही २०११ च्या पॅटर्ननुसार घेण्याची सूचना होती. त्यामुळे अमरावती जिल्ह्यात पूर्वीप्रमाणेच जिल्हा परिषदेचे ५९ गट व पंचायत समितीच्या ११८ गणांसाठी जिल्हाधिकारी तथा जिल्हा निवडणूक अधिकाऱ्यांकडून प्रभाग रचना जाहीर करण्यात आली. त्यावर जवळपास १८ नागरिकांनी आक्षेप नोंदविले. .ZP Election : प्रभाग रचनेचा प्रारूप मसुदा जाहीर.चांदूररेल्वे तालुक्यातील पळसखेड हा एक सर्कल कमी करून अचलपूर तालुक्यात एक सर्कलमध्ये वाढ करण्यात आली आहे. चांदूररेल्वे तालुक्यात आता केवळ दोनच जि. प. सर्कल अस्तित्वात आहेत. मात्र लोकसंख्येचा जो निकष चांदूररेल्वे तालुक्याला लावण्यात आला तोच निकष अन्य तालुक्यांना का लावण्यात आलेला नाही, असा सवाल आक्षेप नोंदविणाऱ्यांनी उपस्थित केला आहे..तसेच सर्कलची संख्या पूर्वीप्रमाणेच तीन करावी, अशी त्यांची मागणी आहे. अन्य काही तालुक्यांमध्ये जिल्हा परिषदेचे गट व पंचायत समितीच्या गणांचे विस्तारीकरण, सीमारेषे बाबतच्या तक्रारी आहेत. तक्रारी विभागीय आयुक्तांकडे वर्ग करण्यात आल्या होत्या. ११ ऑगस्टपर्यंत विभागीय आयुक्तांकडून त्यावर शेरा घेऊन तो अंतिम मान्यतेसाठी जिल्हाधिकाऱ्यांकडे पाठविण्यात आला..ZP Election : जिल्हा परिषद निवडणुकीची तयारी वेगाने सुरू .दिवाळीनंतर फुटणार फटाकेअद्याप प्रभागरचना निश्चित झालेली नाही, त्यानंतर आरक्षणाची निश्चितता झालेली नसल्याने दिवाळीनंतरच निवडणुकीचा बार उडणार असल्याची चर्चा राजकीय वर्तुळात रंगू लागली आहे. असे असले तरी संभाव्य आरक्षणाची स्थिती पाहून अनेकांनी आपापल्या सर्कलमध्ये फिल्डिंग लावण्यास सुरुवात केली असून ज्यांचा पत्ता कट होणार, अशांनी पंचायत समितीचा मार्ग निवडला आहे..सस्पेन्स कायमचांदूररेल्वे तालुक्यात दोनच सर्कल कायम ठेवण्यात आले आहे, तर अन्य काही सर्कलच्या सीमारेषेत बदल झालेले आहेत. त्यामुळे नागरिकांनी घेतलेल्या आक्षेपांना ग्राह्य धरून नेमका काय निर्णय घेतला जातो, याचा सस्पेन्स मात्र कायमच आहे. त्यामुळे अनेक इच्छुकांचे हार्टबीट वाढले आहे. आता १८ ऑगस्ट रोजी बदलांबाबतची माहिती जाहीर केली जाईल, असे निवडणूक विभागाकडून स्पष्ट करण्यात आले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
