Solapur News : राज्यातील जिल्हा परिषद व पंचायत समित्यांच्या निवडणुकांपूर्वीची महत्त्वाची टप्पा असलेल्या प्रभागरचनेला आता चार दिवसांची मुदतवाढ देण्यात आली आहे. यासोबतच, प्रभागरचना अंतिम करण्याचे अधिकार आता जिल्हाधिकाऱ्यांऐवजी विभागीय आयुक्तांना देण्यात आले आहेत. राज्य निवडणूक आयोगाचे सचिव सुरेश काकाणी यांनी यासंदर्भातील आदेश नुकतेच जारी केले आहेत..मूळ वेळापत्रकानुसार जिल्हा परिषदांची प्रभागरचना १८ ऑगस्ट २०२५ पर्यंत अंतिम करण्यात येणार होती. मात्र, आता ही अंतिम मुदत २२ ऑगस्टपर्यंत वाढवण्यात आली आहे. त्यामुळे प्रभागनिहाय आरक्षण सोडतीसाठी इच्छुकांमध्ये उत्सुकता अधिक वाढली आहे..Local Body Election : नाशिक जिल्ह्यातील गट-गणांची १८ ला अंतिम प्रसिद्धी.दावे-हरकतींचा निकाल विभागीय आयुक्तांकडून देण्यात आलेला असून, त्यानुसार अंतिम प्रभागरचनेवर शिक्कामोर्तब होणार आहे. राज्यातील स्थानिक स्वराज्य संस्थांच्या निवडणुकीसंदर्भात सर्वोच्च न्यायालयाच्या आदेशानंतर सुरू झालेली प्रक्रिया सध्या प्रभागरचनेच्या टप्प्यावर पोहोचली आहे..ZP Election : जिल्हा परिषद निवडणुकीची तयारी वेगाने सुरू .जिल्हा परिषद गट आणि पंचायत समिती गणांची आरक्षण सोडत निघाल्यानंतरच संभाव्य लढती स्पष्ट होतील. त्यामुळे इच्छुक उमेदवार, पक्ष आणि नागरिक यांचे लक्ष आता ऑगस्ट अखेरीस होणाऱ्या संभाव्य आरक्षण सोडतीकडे लागले आहे..सप्टेंबरमध्ये निवडणुकीचे वेळापत्रक?राज्यातील स्थानिक स्वराज्य संस्थांच्या निवडणूक प्रक्रियेत सध्या जिल्हा परिषद व पंचायत समित्यांची निवडणूक सर्वात पुढे आहे. प्रभागरचना २२ ऑगस्टपर्यंत अंतिम झाल्यानंतर सप्टेंबरच्या पहिल्या आठवड्यात निवडणुकीसाठी अधिकृत वेळापत्रक जाहीर होण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
