परभणी जिल्हा परिषद निवडणुकीत माजी मंत्री सुरेश वरपूडकर यांचा मुलगा, मुलगी, सून आणि पुतण्याचा पराभव झाला आहे. वरपूडकर हे मुलगा, मुलगी, सून वेगवेगळ्या पक्षातून लढले होते. एकाच घरात एवढी तिकीटे दिल्याने त्यांच्या जोरदार टीका झाली होती..कोल्हापूर जिल्हा परिषदेच्या ६७ जागांच्या निवडणुकीत कोल्हापूरमध्ये काँग्रेस आणि राष्ट्रवादीला यश मिळाले आहे. काँग्रेसचे १२ आणि अजित पवारांच्या राष्ट्रवादीचे १० उमेदवार विजयी झाले आहेत. तर शिंदे सेना आणि भाजपचे प्रत्येकी ७ उमेदवार आघाडीवर आहेत. तर सांगलीत ६१ जागांपैकी १२ जागांवर भाजप आघाडीवर आहेत. राष्ट्रवादी अजित पवार आणि शिंदे सेनेचे प्रत्येकी ४ उमेदवार आघाडीवर आहेत. .पुण्यात राष्ट्रवादीने बहुमताचा आकडा ओलांडला आहे. पुणे जिल्हा परिषदेच्या ७३ जागा आहेत. येथे अजित पवारांच्या राष्ट्रवादीचे ३६ उमेदवार आघाडीवर आहे. तर शरद पवारांच्या राष्ट्रवादीने ५ जागांवर आघाडी घेतली आहे. ही निवडणूक दोन्ही राष्ट्रवादींनी मिळून एकत्र लढवली होती. तर भाजप १७ आणि शिंदे सेना १२ जागांवर आघाडीवर आहे. तर ठाकरेंच्या सेनेने २ जागांवर आघाडी घेतली आहे. येथे एकूण २९९ उमेदवार रिंगणात आहेत. .रायगड जिल्ह्यात राष्ट्रवादी काँग्रेसने आघाडी मिळवली आहे. येथे अजितदादांच्या राष्ट्रवादीने तिसरा विजयाची नोंद केली आहे. तर कोल्हापूरमधील ६७ जागांपैकी काँग्रेस १० जागांवर आघाडीवर आहे. तर भाजप आणि शिंदे सेना प्रत्येकी १० जागांवर आघाडीवर आहे. .सोलापूर जिल्ह्याच्या माळशिरसमध्ये माजी आमदार राम सातपुते यांच्या पत्नी संस्कृती सातपुते यांनी विजय मिळवला आहे. त्यांनी शरद पवार गटाचे आमदार आमदार उत्तम जानकर यांचे चिरंजीव जीवन जानकर यांचा पराभव केला आहे. या निवडणुकीसाठी संस्कृती सातपुते यांनी चार महिन्यांच्या बाळाला सोबत घेऊन प्रचार केला होता. .कोल्हापूर जिल्ह्याच्या कागल तालुक्यातील सेनापती कापशी जिल्हा परिषद मतदारसंघातून शशिकला खोत आघाडीवर आहेत. तर बोरवडे जिल्हा परिषद मतदारसंघातून शोभाताई फराकटे यांनी आघाडी घेतली आहे. उचगावमध्ये भाजपचे नामदेव आणि कसबा सांगाव येथून राष्ट्रवादी काँग्रेसच्या सुवर्णा कांबळे यांनी टपाल मतांमध्ये आघाडी घेतली. .पानगाव गटात मनसेचे सुनील नागरगोजे विजयी झाले आहे. लातूरमधील मनसेचा हा दुसरा विजय आहे. तर बारामतीच्या सुपे गणातून भाजपच्या उज्ज्वला खैरे विजयी झाल्या आहेत..रत्नागिरीत १० पैकी ८ जागांवर शिंदे सेना आघाडीवर आहे. तर कोल्हापूर जिल्ह्यातील पहिला निकाल हाती आला आहे. घुणकी येथून काँग्रेसच्या शुभांगी कुंभार जिल्हा परिषद निवडणुकीत विजयी झाल्या आहेत. .वैजापूर पंचायत समितीत १६ जागा असून, त्यातील ६ जागांवर शिवसेना ठाकरे गटाचे उमेदवार आघाडीवर आहेत. येथे भाजपच्या दोन उमेदवारांनी आघाडी घेतली आहे. तर अजित पवार राष्ट्रवादी काँग्रेसचे २ उमेदवार आघाडीवर आहेत. शिंदे शिवसेनेचे तीन उमेदवार आघाडीवर आहेत. .सांगतील भाजपच्या हर्षदा महाडिक यांनी आघाडी घेतली आहे. रायगडच्या महाडमध्ये शिंदे सेना आघाडीवर आहे. तर सिंधुदुर्गमध्ये कणकवलीत भाजपने विजयाचे खाते उघडले आहे. तर लातूरमध्ये काँग्रेसने विजयी सुरुवात केली आहे. .गडहिंग्लज तालुक्यातील नूल जिल्हा परिषद मतदारसंघात पहिल्या फेरीत जनसुराज्यचे अनिरुद्ध रेडेकर आघाडीवर आहेत. करवीरमध्ये आठ टेबलवर टपाली आणि ईव्हीएम मतमोजणीला सुरुवात झाली आहे. सुरुवातीला शिये, वडणगे, मुडशिंगी जिल्हा परिषद मतदारसंघातील मतमोजणी होत आहे. उचगाव जिल्हा परिषद मतदारसंघातून भाजपचे नामदेव नामदेव वाईगडे ३०१ मतांनी आघाडीवर आहेत. कसबा सांगाव जिल्हा परिषद मतदारसंघातून राष्ट्रवादीच्या सुवर्णा रणजीत कांबळे पोस्टल मतात आघाडीवर आहेत. शिये जिल्हा परिषद काँग्रेसचे विश्वनाथ पाटील आघाडीवर आहेत. दानोळी जिल्हा परिषदेत नंदिनी संदीप कांबळे ३४३ मतांनी आघाडीवर आहेत. .सोलापूर जिल्ह्यातील माढा येथून पहिला निकाल हाती आला आहे. माढ्यात अजित पवार यांच्या राष्ट्रवादीच्या अश्विनी दळवे विजयी झाल्या आहेत. .कोल्हापुरात काँग्रेस ३ जागांवर आघाडीवर आहे. रत्नागिरीत जिल्ह्यांत शिंदे सेनेने आघाडी घेतली आहे. लातूरमध्ये काँग्रेसचे २ जागांवर उमेदवार आघाडीवर आहेत. भोसरीत विलास लांडे यांची मुलगी विनया मुंगसे आघाडीवर आहेत..Zilla Parishad Panchayat Samiti Elections Results Live: राज्यातील १२ जिल्हा परिषदा आणि त्याअंतर्गत येणाऱ्या १२५ पंचायत समित्यांच्या सार्वत्रिक निवडणुकांच्या मतमोजणीला आज सोमवारी (दि. ९ फेब्रुवारी २०२६) सकाळी १० वाजल्यापासून सुरुवात झाली. रायगड, रत्नागिरी, सिंधुदुर्ग, पुणे, सातारा, सांगली, सोलापूर, कोल्हापूर, छत्रपती संभाजीनगर, परभणी, धाराशीव, लातूर या जिल्हा परिषदा आणि त्याअंतर्गतच्या पंचायत समित्यांमधील एकूण ७ हजार ४३८ उमेदवारांचे भवितव्य आज ठरेल. ७३१ जिल्हा परिषद गट आणि १,४६२ पंचायत समिती गणांसाठी शनिवारी (दि. ७) मतदान पार पडले होते. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
