जिल्हा परिषदेत ५ आणि पंचायत समितीमध्ये २ सदस्यांची स्वीकृत सदस्य म्हणून नेमणूक होणार?जिल्हा परिषद आणि पंचायत समिती अधिनियमात सुधारणा करण्याची विनंती सक्रिय कार्यकर्त्यांना संधी मिळणार.ZP Panchayat Samiti Election : महानगरपालिका आणि नगरपालिकांमध्ये स्वीकृत सदस्य नेमले जातात. आता जिल्हा परिषदेत ५ आणि पंचायत समितीमध्ये २ सदस्यांची स्वीकृत सदस्य म्हणून नेमणूक करण्यासाठी जिल्हा परिषद आणि पंचायत समिती अधिनियमात सुधारणा करावी, अशी विनंती करणारे पत्र महसूलमंत्री चंद्रशेखर बावनकुळे यांनी मुख्यमंत्री देवेंद्र फडणवीस यांना मंगळवारी (दि. १४) दिले. .दरम्यान, मुख्यमंत्री फडणवीस यांनी या विषयावर सकारात्मक प्रतिसाद देत ग्रामविकास विभागाला कार्यवाही करण्याच्या सूचना दिल्या आहेत. या सुधारणेनंतर ग्रामविकासात्मक प्रक्रियेत सहभागी होण्याची संधी समाजाभिमुख कार्यकर्त्याला मिळेल, असा विश्वास बावनकुळे यांनी व्यक्त केला आहे..Kolhapur ZP Ward Reservation: कोल्हापूर जिल्हा परिषदेचे तालुकानिहाय गट आरक्षण जाहीर, वाचा संपूर्ण यादी.ग्रामीण स्तरावर सक्रियपणे कार्य करणाऱ्या कार्यकर्त्यांना योग्य प्रतिनधीत्व आणि संधी मिळावी या दृष्टीकोनातून, महाराष्ट्र जिल्हा परिषद आणि पंचायत समिती अधिनियमामध्ये सुधारणा करणे आवश्यक आहे. सदर अधिनियमातील तरतुदींनुसार स्वीकृत सदस्यांची नियुक्ती करता येते. पण सध्याच्या धोरणानुसार, ह्या संधी मर्यादित स्वरुपात आहेत. त्यामुळे, राज्य शासनाने सदर अधिनियमानुसार सुधारणा करुन जिल्हा परिषदेसाठी ५ आणि पंचायत समितीसाठी २ स्वीकृत सदस्य नेमण्यासाठी तरतूद करावी, अशी विनंती बावनकुळे यांनी केली आहे..यामुळे समाजाभिमुख कार्य करणाऱ्या, परंतु निवडणूक लढविण्याची क्षमता नसलेल्या पात्र कार्यकर्त्यांना विकास प्रक्रियेत सहभागी होण्याची संधी उपलब्ध होईल. तसेच स्थानिक स्वराज्य संस्थांचा कारभार अधिक प्रभावी आणि सर्वसमावेशक होईल, असे त्यांनी पत्रात नमूद केले आहे. .Pune Zilla Parishad: पुणे जिल्हा परिषदेचे आरक्षण जाहीर.महापालिका आणि नगरपालिकांमध्ये संख्याबळ लक्षात घेऊन स्वीकृत सदस्यांची नेमणूक केली जाते. आता जिल्हा परिषद आणि पंचायत समित्यांमध्ये स्वीकृत सदस्य म्हणून सामान्य कार्यकर्त्यांना संधी मिळण्याची शक्यता आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
