Agricultural Tools : वाढता उत्पादन खर्च, हवामानातील अनिश्चितता आणि बाजारातील चढ-उतार यामुळे संत्रा उत्पादकांसमोर नवी आव्हाने उभी ठाकली आहेत. या पार्श्वभूमीवर संत्राबागांमध्ये झिरो कल्टिव्हेशन, मृदा आरोग्य संवर्धन आणि आधुनिक तंत्रज्ञानाचा अवलंब केल्यास उत्पादन वाढीसोबतच खर्चातही बचत होऊ शकते, असे प्रतिपादन प्रगतशील संत्रा उत्पादक प्रवीण बेलखेडे यांनी केले..‘सकाळ ॲग्रोवन’ व उत्क्रांती नागरी सहकारी पतसंस्था यांच्या संयुक्त विद्यमाने जरुड (ता. वरुड) येथील वसंतराव नाईक हायस्कूलच्या सभागृहात आयोजित ‘ॲग्रो संवाद’ कार्यक्रमात ते बोलत होते. कार्यक्रमाच्या अध्यक्षस्थानी उत्क्रांती फार्मर प्रोड्युसर कंपनीचे अध्यक्ष रामकृष्ण मेश्राम होते..Smart Farming: ‘स्मार्ट फार्मिंग’ हाच शाश्वत प्रगतीचा मार्ग.बेलखेडे यांनी आंबिया व मृगबहार व्यवस्थापन, मातीतील सेंद्रिय कर्ब वाढविणे, जैविक खते व उपयुक्त सूक्ष्मजीवांचा वापर, सिंचनाचे नियोजन, मृदा परीक्षणावर आधारित खत व्यवस्थापन तसेच रोग-कीड नियंत्रणाबाबत सविस्तर मार्गदर्शन केले..संत्राबागांमध्ये वखरणी, रोटाव्हेटर किंवा खोल मशागत टाळून झिरो कल्टिव्हेशन पद्धतीचा अवलंब करण्याचे आवाहन त्यांनी केले. तणनियंत्रणासाठी तणनाशकांचा मर्यादित वापर करावा. एकरी सुमारे १०० मिली इतक्या प्रमाणात तणनाशकाचा वापर केल्यास तणांचे नियंत्रण होण्याबरोबरच खर्च कमी होतो आणि जमिनीवरील दुष्परिणामही टाळता येतात, असे त्यांनी सांगितले..Post Harvest Management: ‘फ्रेश कट’ व्यवसायातील व्यवस्थापकीय बारकावे.शेणखत व्यवस्थापनाबाबत मार्गदर्शन करताना त्यांनी कच्चे शेणखत जमिनीत खोलवर मिसळण्याऐवजी डिसेंबर ते जानेवारी या कालावधीत जमिनीच्या वरच्या थरावर टाकण्याचा सल्ला दिला. त्यामुळे पुरेशा ऑक्सिजन व ओलाव्याच्या साहाय्याने नैसर्गिक विघटन होऊन गांडुळे व सूक्ष्मजीवांची संख्या वाढते, मातीची सुपीकता सुधारते आणि उत्पादनक्षमतेत वाढ होण्यास मदत होते, असे त्यांनी स्पष्ट केले. .यावेळी उत्क्रांती नागरिक पतसंस्थेचे उपाध्यक्ष डॉ. अशोक खोपे यांनी संत्रा उत्पादकांना भेडसावणाऱ्या विविध समस्यांवर मार्गदर्शन केले. ‘सकाळ’चे वितरण अधिकारी हुकूमचंद माने यांनी ‘सकाळ ॲग्रोवन’च्या विविध योजना व प्रकाशनांची माहिती दिली. कार्यक्रमाला उत्क्रांती शिक्षण संस्थेचे अध्यक्ष रामचंद्र पाटील, उत्क्रांती नागरी सहकारी पतसंस्थेचे अध्यक्ष रामराव वानखडे, उत्क्रांती फार्मर प्रोडूसर कंपनीचे अध्यक्ष रामकृष्ण मेश्राम, ज्येष्ठ समाजसेवक निळकंठ यावलकर, श्रीकांत कानळे, ओम नेरकर, श्रीकांत गावंडे, रवींद्र वसुले, सुनील राऊत, निखिल वसुले यांच्यासह टेंभूरखेडा, लोणी, बेनोडा शहीद, शेंदूरजनाघाट व वरुड परिसरातील संत्रा उत्पादक शेतकरी मोठ्या संख्येने उपस्थित होते. प्रास्ताविक डॉ. अशोक खोपे यांनी, संचालन रवींद्र वसुले यांनी, तर आभार राजीव शेलकर यांनी मानले. कार्यक्रमाच्या यशस्वीतेसाठी ‘सकाळ’चे वितरण प्रतिनिधी सचिन शेगोकर यांनी प्रयत्न केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
