Tiger Sighting : सोलापूर येडशी येथील रामलिंग अभयारण्यात डिसेंबर २०२४ पासून टिपेश्वर अभयारण्यातील तीन वर्षांच्या बछड्याने अधिवास तयार केला होता. वर्ष-दीड वर्षाच्या कालावधीत या वाघाने बार्शी तालुका व धाराशिव जिल्ह्यात अनेक शिकारी केल्या. मात्र, डिसेंबर २०२५ पासून गायब असलेला हा वाघ ३ ऑगस्ट रोजी बीड जिल्ह्यातील देवळाली (ता. आष्टी) येथे आढळून आला आहे..ब्रिटिश व निजाम राजवटीतील वाढत्या शिकारीमुळे मराठवाडा आणि सोलापूर जिल्ह्यातून नामशेष झालेला वाघ डिसेंबर २०२४ पासून पुन्हा आढळला. यवतमाळ जिल्ह्यातील टिपेश्वर अभयारण्यातील टी-२२ या वाघिणीच्या पोटी २०२२ मध्ये जन्मलेला बछडा अधिवासाच्या शोधात धाराशिव जिल्ह्यातील येडशी परिसरात पोचला. .Honoring Women Farmers: सन्मान महिलाशक्तीचा....बार्शी तालुक्यातील ढेंबरेवाडी परिसरातील ट्रॅप कॅमेऱ्यात १९ डिसेंबर २०२४ रोजी प्रथम त्याचे छायाचित्र कैद झाले. वन विभागाने छायाचित्रांची पडताळणी केली असता ती टिपेश्वर अभयारण्यातून अनेक दिवसांपासून गायब असलेल्या बछड्याशी मिळतीजुळती असल्याचे आढळले. यावरून हा बछडा यवतमाळ जिल्ह्यातून सुमारे ५०० किलोमीटरचा प्रवास करून येडशी परिसरात आल्याचे स्पष्ट झाले..Safflower Farming: करडईला बनवले नगदी, व्यावसायिक पीक.त्यानंतर सुमारे वर्षभर त्याने बार्शी तालुक्यातील वैराग परिसरातील लाडोळे, सासुरे, ढोराळे तसेच चारे, पांगरी, चुंब, कारेगाव परिसरात अनेक पाळीव जनावरांची शिकार केली. त्यानंतर धाराशिव, बीड, लातूर आणि अहिल्यानगर जिल्ह्यांच्या सीमाभागातून तो पुन्हा रामलिंग परिसरात स्थिरावला होता..या वाघाचा पाच जिल्ह्यांत वावर आहे. यापूर्वी तो येडशीत असतानाही खर्डा परिसरापर्यंत येऊन गेला आहे. कर्जत तालुक्यातील चांदे बुद्रूक येथेही त्याने शिकारी केल्या आहेत. तो पाथर्डीपर्यंतही गेला आहे. आताही त्याचा वावर सर्वत्र आहे. हरीण, काळविटांवर त्याचे अवलंबित्व झाल्यामुळे त्याचा वावर शेतकरी व वन विभागाच्या लक्षात येत नाही. त्याचा वावर पूर्वीप्रमाणे पाचही जिल्ह्यांत कायम आहे.- अमोल मुंडे, वनपरिक्षेत्र अधिकारी, आष्टी (जि. बीड).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
