Yavatmal News: नोंदणीकृत शेतकऱ्यांचा सर्व कापूस खरेदी केला जाईल, असा दावा भारतीय कापूस महामंडळाकडून (सीसीआय) करण्यात आला होता. मात्र यवतमाळमध्ये नोंदणीकृत शेतकऱ्यांना विक्रीसाठी स्लॉट्स न मिळाल्याने त्यांच्यावर खुल्या बाजारात कापूस विकण्याची वेळ आली आहे..केंद्र सरकारने कापसाला ८११० रुपये प्रति क्विंटल असा हमीभाव जाहीर केला होता. मात्र संततधार पावसामुळे गेल्या खरिपात कापूस हंगाम लांबणीवर पडला. त्यामुळे बाजारातील आवक देखील उशिरा झाली. अशातच खुल्या बाजारात कापसाचे दर ७००० ते ७५०० रुपयांवर होते..Cotton Procurement: अकोटमध्ये साडेचार लाख क्विंटल कापूस खरेदी.त्यामुळे बहुतांश शेतकऱ्यांचा भर हा ‘सीसीआय’ला कापूस देण्यावर होता. त्यामुळेच यावेळी कापसाची आवक मोठ्या प्रमाणावर होईल याचा अंदाज आल्याने ‘सीसीआय’ने हमीभावाने कापूस विक्रीसाठी ‘कपास किसान’ या ॲपवर नोंदणी सक्तीची केली. नोंदणीनंतर शेतकऱ्यांना ते कोणत्या वेळी विक्रीसाठी कापूस आणणार, याकरिता स्लॉट बुकिंग बंधनकारक करण्यात आले..Cotton Picking Machine: वेचणी यंत्राचे स्वागत, पण....दरम्यान, नोंदणीकृत प्रत्येक शेतकऱ्याकडून कापूस खरेदी केला जाईल, असा दावा ‘सीसीआय’ने केला होता. त्यामुळे शेतकरीदेखील बिनधास्त होते. गेल्या वर्षी प्रमाणे यंदादेखील मार्च अखेरपर्यंत ‘सीसीआय’कडून कापसाची खरेदी होईल, असा अंदाज वर्तविला गेला..मात्र दोन दिवसांपूर्वी ‘सीसीआय’ने २७ फेब्रुवारीपर्यंत कापसाची खरेदी केली जाईल, असे जाहीर केले.त्यामुळे शेतकऱ्यांमध्ये प्रचंड अस्वस्थता निर्माण झाली आहे. कापूस खरेदीची मुदत किमान ३१ मार्चपर्यंत वाढवावी,अशी मागणी ते करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
