Sugar Factory Land Acquisition: पुणे कृषी उत्पन्न बाजार समितीकडून यशवंत सहकारी साखर कारखान्याची जमीन खरेदी करण्याच्या व्यवहाराला राज्य शासनाने पुन्हा ब्रेक लावला आहे. त्यामुळे बाजार समितीकडून सुरू असलेली आर्थिक व प्रशासकीय प्रक्रिया अडचणीत आली असून, पुढील आदेश येईपर्यंत जमीन खरेदीसंदर्भातील सर्व प्रशासकीय आणि आर्थिक कार्यवाही तातडीने थांबविण्याचे आदेश पणन संचालकांनी दिले आहेत..बाजार समितीमार्फत यशवंत सहकारी साखर कारखान्याची जमीन खरेदीचा व्यवहार सुरुवातीपासूनच वादग्रस्त राहिला आहे. बाजार समितीच्या संचालक मंडळाने राजकीय वरदहस्ताने हा व्यवहार सुरू केल्याचा आरोप करण्यात आला होता. या व्यवहाराचा पहिला टप्पा पूर्णही झाला होता. मात्र, आता मुख्यमंत्री कार्यालयाने या प्रकरणाची गंभीर दखल घेतली आहे..Land Acquisition: रिंग रोडसाठी भूसंपादनाला गती येणार : आयुष प्रसाद.काही दिवसांपूर्वी बाजार समितीने ४९.१८ एकर जमिनीचे खरेदीखत पूर्ण झाल्याचे जाहीर केले होते. या व्यवहारापोटी बाजार समितीने कारखान्याच्या खात्यात ९६.६७ कोटी रुपये वर्ग केल्याची माहिती समोर आली होती. तसेच या जमिनीच्या खरेदीसाठी सुमारे ५० कोटी रुपयांची अतिरिक्त रक्कम कारखान्याला देणे अद्याप बाकी असल्याचेही समजते. मात्र, शासनाच्या नव्या आदेशामुळे संपूर्ण व्यवहार पुन्हा एकदा अनिश्चिततेच्या भोवऱ्यात सापडला असून, पुढील प्रक्रिया नेमकी कोणत्या दिशेने जाईल, याबाबत प्रश्नचिन्ह निर्माण झाले आहे..Shaktipeeth Highway Oppose: शेतकऱ्यांच्या पोटावर पाय ठेवून शक्तिपीठ महामार्ग नको; आमदार विश्वजित कदम यांची मागणी.उपबाजारचे आवार उभारण्यासाठी यशवंत सहकारी साखर कारखान्याची एकूण ९९.२७ एकर जमीन खरेदी करण्याचा प्रस्ताव आहे. या व्यवहारासाठी आवश्यक महसूल विभागाची मंजुरी, जमीन हस्तांतराची प्रक्रिया तसेच इतर कायदेशीर बाबींवर आक्षेप नोंदविण्यात आले होते. त्यानंतर या संपूर्ण प्रकरणाची मुख्यमंत्री स्तरावर तपासणी करण्याचे आदेश देण्यात आले होते..दरम्यान, या जमीन व्यवहाराविरोधात शेतकरी सभासद कृती समितीने मुंबई उच्च न्यायालयात याचिका दाखल केली आहे. कारखान्याची आर्थिक स्थिती, मालमत्तेचे मूल्यांकन आणि जमीन विक्री प्रक्रियेत झालेल्या कथित अनियमिततेवर न्यायालयात प्रश्न उपस्थित करण्यात आले आहेत. त्यामुळे शासनाने दिलेली नव्याने स्थगिती आणि सुरू असलेली न्यायालयीन प्रक्रिया यामुळे यशवंत सहकारी साखर कारखान्याच्या जमीन व्यवहाराचा पेच आणखी वाढण्याची चिन्हे आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
