Kolhapur News: कोथळी (ता. शिरोळ) येथे क्षारपड जमिनी क्षारपडमुक्त करण्यासाठी १०० एकर क्षेत्रावर सच्छिद्र निचरा प्रणाली (ड्रेनेज सिस्टीम) उभारणीच्या कामाचा प्रारंभ नुकताच करण्यात आला. .याप्रसंगी बोलताना श्री दत्त साखर कारखान्याचे प्रमुख गणपतराव पाटील म्हणाले, की पुढच्या पिढीला सुपीक जमीन देण्यासाठी सच्छिद्र निचरा प्रणाली अत्यावश्यक आहे. क्षारपडमुक्तीसाठी लागेल ती सर्व मदत केली जाईल..Saline Land Reclamation Project: क्षारपड जमीन सुधारणा प्रकल्पास परिविक्षाधीन अधिकाऱ्यांची भेट.कारखान्याच्या माध्यमातून मार्गदर्शन व सहकार्य दिले जाईल. मात्र हे काम थांबू देऊ नका. या कामाची दखल शासनाने घेतल्याने भविष्यात शेतकऱ्यांना विविध सवलतींचा लाभ होणार आहे..Saline Land: जमीन क्षारपड मुक्तीसाठी ‘श्री दत्त पॅटर्न’ला शासनाची मदत.माळी मळा, मगदूम मळा, मुदकान्ना, संकाई, डुम, सावकर, बुरले, देखाण्णा मळा, इंगळे मळा या परिसरांतील एकूण १०० एकर क्षेत्र या प्रकल्पामुळे क्षारपडमुक्त होणार आहे. स्वागत व प्रास्ताविक करताना ऋषभ पाटील यांनी या प्रकल्पाची सविस्तर माहिती दिली. आभार प्रकाश पुजारी यांनी मानले..श्री दत्त साखर कारखान्याचे मुख्य शेती अधिकारी श्रीशैल हेगाण्णा, ऊस विकास अधिकारी ए. एस. पाटील, इंजिनियर कीर्तिवर्धन मरजे, संजय पाटील कोथळीकर, ज्येष्ठ नेते धनगोंडा पाटील, स्वाभिमानी शेतकरी संघटनेचे रामचंद्र शिंदे, महाविकास आघाडीच्या उमेदवार ज्योती कांबळे व संदीप कांबळे, दादासो चुडाप्पा, भीमगोंडा बोरगावे, गौतम पाटील, अशोक पुजारी, राजीव विभूते आदी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
