Sindhudurg News: कुडाळ तालुक्यातील माणगाव येथील डॉ. हेडगेवार स्मृती सेवा केंद्रात सामुदायिक फळ प्रक्रिया सुविधा केंद्र उभारण्यासाठी २० कोटी ११ लाखांचा निधी मंजूर झाला असून प्रकल्प उभारणीला सुरुवात झाली आहे. या प्रकल्पामुळे दर्जेदार उत्पादन निर्मितीपासून ते पॅकिंगपर्यंतची सर्व सेवा एका ठिकाणी उपलब्ध होणार आहे..माणगाव येथे डॉ. हेडगेवार स्मृती सेवा प्रकल्पांतर्गत गेल्या अनेक वर्षांपासून प्रक्रिया उद्योग प्रशिक्षण दिले जात आहे. शेकडो उद्योजकांनी येथेच प्रशिक्षण घेऊन प्रक्रिया उद्योगांचा श्रीगणेशा सुरू केला. याच प्रकल्पाच्या ठिकाणी आता भारत सरकारच्या सूक्ष्म, लघू आणि मध्यम उद्योग मंत्रालयाच्या क्लस्टर डेव्हलपमेंट प्रोग्रामअंतर्गत सामुदायिक सुविधा केंद्राची उभारणी केली जात आहे. .Fruit Processing Industry : गावागावांत फळप्रक्रिया उद्योग उभे राहावेत.त्याकरिता डॉ. हेडगेवार स्मृती सेवा प्रकल्प, सिंधुदुर्ग औद्योगिक विकास संस्था आणि कोकण सिंधू मल्टीफ्रूट क्लस्टर यांच्या संयुक्त माध्यमातून कंपनी स्थापन करण्यात आली आहे. त्यामाध्यमातून हे सुविधा केंद्र उभारले जात आहे. १७ एकर जागेमधील काही जमिनीवर हा प्रकल्प उभारला जात आहे. या प्रकल्पामध्ये बाजारपेठेत माल विक्रीकरिता आवश्यक असलेले एनएबीएल हे प्रमाणपत्र देण्यात येणार आहे. या प्रकल्पात अत्याधुनिक यंत्रसामग्री बसविण्यात आली आहे. अद्ययावत लॅब तयार करण्यात आली आहे..Fruit Processing Industry : गावागावांत फळप्रक्रिया उद्योग उभे राहावेत.ही सर्व यंत्रसामग्री स्वयंचलित असून ती जिल्ह्यातील सर्व प्रक्रिया उद्योजकांना वापरता येणार आहे. २०२६ मध्ये हा प्रकल्प कार्यान्वित होणार आहे. कोकणातील स्थानिक फळांवर प्रक्रिया केली जाणार आहे. कोकम, अननस, हापूस आंबा, फणसाची भाजी यासह अन्य फळांवर प्रक्रिया होणार आहे. येथील मशीनची क्षमता एका तासात दोन टन आंब्यावर प्रक्रिया करण्याइतकी आहे. कोल्ड स्टोरेजची व्यवस्था देखील उभारण्यात आली आहे..भिजलेल्या कोकमचे नुकसान टळणारया फळ प्रक्रिया सुविधा केंद्रात ड्राय होमो बसविण्यात आला आहे. पावसात भिजलेल्या कोकमवर या ड्राय होमोमध्ये प्रक्रिया केल्यानंतर कोकमचे नुकसान टळणार आहे. एकाच वेळी या मशीनमध्ये दहा टन कोकम सुकविता येणार आहे..प्रशिक्षण, शिक्षण आणि मदत हाच या प्रकल्पाचा हेतू आहे. जिल्ह्यातील सर्व उद्योजकांना केंद्राचा फायदा होणार आहे.- सुनील उकिडवे, अध्यक्ष, डॉ. हेडगेवार स्मृती सेवा प्रकल्प, माणगाव, ता. कुडाळ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
