Kolhapur News : हवेतील आर्द्रता, ढगाळ हवामान यामुळे खोची परिसरातील बुवाचे वठार, भेंडवडे, लाटवडे येथील आडसाली उसावर लोकरी मावा, तांबेरा व माळ भागातील उसावर हुमणीचा प्रादुर्भाव झाल्याने शेतकरी तिहेरी संकटात सापडला आहे. वातावरण लोकरी मावा वाढीस पोषक असल्याने चारशे ते पाचशे एकर क्षेत्र लोकरी मावाबाधित झाले आहे..लोकरी माव्याने पुन्हा डोके वर काढल्याने शेतकऱ्यांची मात्र डोकेदुखी वाढली आहे. ऊस मोठा असल्याने कीटकनाशक फवारणी करताना शेतकऱ्यांना त्रासाला सामोरे जावे लागत आहे. लोकरी माव्याच्या किडीबरोबर को-२६५ उसावर तांबेरा रोगाचा प्रादुर्भाव वाढत आहे. पाण्याचे प्रमाण कमी असणाऱ्या माळ भागातील उसाच्या क्षेत्रावर हुमणी किडीचा प्रादुर्भाव दिसून येत आहे..Sugarcane Disease : ऊस पिकावर तांबेरा, करपा रोग.२००३ पासून दरवर्षी ऊस क्षेत्रावर माव्याचा प्रादुर्भाव होत आहे. यंदा वातावरण पोषक असल्याने मावा, तांबेरा वाढीचे प्रमाण जास्त आहे. दरवर्षी लोकरी मावा भक्ष्यक कीड तयार होते. यावर्षी ती तयार झालेली नाही..Sugarcane Disease : उसावरील रोगांचा ओळखा प्रादुर्भाव.ज्या भागात लोकरी मावा पडला आहे, तेथील संपूर्ण क्षेत्रात चार ते पाच दिवसांत सर्वच भागांत माव्याचे अतिक्रमण वाढत आहे. याचा परिणाम उसावर होत असून, वाढ खुंटली आहे..कीडीचा प्रादुर्भाव उसाच्या पानाच्या मागील बाजूस होत असून गारवा मिळत असल्याने वाढीचे प्रमाण जास्त आहे. शेतकरी तज्ज्ञांच्या सल्याने कीटकनाशकांची फवारणी करत आहेत. काही शेतकरी ड्रोनचा वापर करून कीटकनाशक फवारणी करीत आहेत. हातातोंडाशी आलेल्या पिकांना वाचविण्यासाठी प्रयत्न सुरू आहे. कीड-रोगांमुळे शेतकरी चिंताग्रस्त झाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
