Women In Agriculture: भारताच्या कृषी क्षेत्रात काम करणाऱ्या एकूण मनुष्यबळापैकी सुमारे ६० टक्के वाटा महिलांचा असल्याची माहिती केंद्र सरकारने दिली. केंद्रीय कृषी व शेतकरी कल्याण राज्यमंत्री रामनाथ ठाकूर यांनी नुकताच लोकसभेत सादर केलेल्या लेखी उत्तरात यासंदर्भातील तपशील दिला..सांख्यिकी आणि कार्यक्रम अंमलबजावणी विभागाच्या नियतकालिक कामगार बळ सर्व्हेक्षणाचा (पीएलएफएस) हवाला देत त्यांनी सांगितले की, २०२५ या कालावधीत कृषी क्षेत्रात कार्यरत महिलांपैकी ४१.१ टक्के महिला स्वयंरोजगारात कार्यरत होत्या. तसेच पंतप्रधान शेतकरी सन्मान निधी (पीएम -किसान) योजनेअंतर्गत पात्र शेतकऱ्यांना दरवर्षी ६००० रुपयांची थेट आर्थिक मदत दिली जाते. या योजनेमुळे महिला शेतकऱ्यांना पारदर्शक पद्धतीने थेट आर्थिक साह्य मिळून त्यांचे उत्पन्न आणि शेतीतील सहभाग वाढण्यास मदत झाली आहे. या योजनेच्या २३व्या हप्त्याचा लाभ २ कोटी १८ लाख ६६ हजार ७७४ महिला लाभार्थ्यांना मिळाला..Women Empowerment: महिलांना प्रत्यक्ष हक्क, सन्मान, अधिकार मिळावा.तसेच पंतप्रधान पीकविमा योजना ही अधिसूचित पिकांसाठी पेरणीपूर्व ते काढणीनंतरच्या टप्प्यापर्यंतच्या नुकसानीविरुद्ध सर्वसमावेशक संरक्षण देते. २०२४-२५ मध्ये या योजनेसाठी नोंदणी करणाऱ्या एकूण नोंदणीकृत शेतकऱ्यांपैकी २१ टक्के महिला होत्या, असेही ठाकूर या वेळी म्हणाले..Women Farmers: भूमिकन्यांसाठी पुढचे पाऊल.पिकाखालील क्षेत्रात वाढशेतजमिनींबाबत विचारण्यात आलेल्या स्वतंत्र प्रश्नाला उत्तर देताना ठाकूर यांनी ‘लँड यूज स्टॅटिस्टिक्स २०२४-२५’चा संदर्भ देत सांगितले, की देशातील एकूण पीक क्षेत्र २०१४-१५ मधील १९८.२८ दशलक्ष हेक्टरवरून २०२४-२५ मध्ये २२५.१९ दशलक्ष हेक्टरपर्यंत वाढले आहे. .आधुनिक तंत्रज्ञानाचा स्वीकार आणि प्रभावी धोरणात्मक हस्तक्षेप यामुळे पीक तीव्रता (क्रॉपिंग इन्टेन्सिटी) १४२.२ टक्क्यांवरून १५९.७ टक्क्यांपर्यंत वाढली आहे. त्यामुळे एकाच जमिनीवर वर्षातून एकापेक्षा अधिक पिके घेण्याचे प्रमाण वाढले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
