Satara News: कोयना विभागातील राममळा येथील एक एकर क्षेत्रात विक्रीसाठी तयार झालेले कलिंगडांचे पीक सोमवारी (ता. २३) रात्री रानगव्यांनी फस्त केल्याची घटना घडली. त्यामुळे शेतकऱ्याने दिवस- रात्र केलेले कष्ट वाया गेले. .यात निळकंठ आनंदा भिंगारदिवे या शेतकऱ्याचे सुमारे अडीच लाखांचे नुकसान झाले. या पिकाच्या भरवशावर मुलीला एमबीएला प्रवेश व लॅपटॉप घेण्याचे त्यांचे स्वप्नही भंग पावले. वन विभाग व महसूल विभागाने नुकसानीची पाहणी आणि पंचनामा केला आहे..Watermelon Crop Damage: बिबट-रोहीच्या झुंजीत कलिंगड पिकाचे नुकसान.या बाबत माहिती अशी, की निळकंठ भिंगारदिवे हे शेतीत नवनवीन प्रयोग राबवून आपल्या संसाराचा गाडा हाकतात. पत्नी, दोन मुली व मुलगा असे कुटुंबात सदस्य आहेत. या वर्षी रमजान सणाच्या पार्श्वभूमीवर राममळा येथे एक एकर क्षेत्रात कलिंगड पीक घेतले होते. गेली तीन महिने त्यांनी या पिकाची देखभाल केली होती..चार दिवसांत कलिंगड तोडणीचे नियोजन होते. सध्या किलोला साधारण २५ रुपये दर आहे. मात्र, सोमवारी रात्री १३ ते १५ रानगव्यांच्या कळपाने कलिंगड पिकात धुमाकूळ घातला. रात्रीत संपूर्ण कलिंगड फळे व वेल फस्त केले. सकाळी नेहमीप्रमाणे शेतात गेल्यावर श्री. भिंगारदिवे यांच्या ते निदर्शनास आले..Watermelon Crop Damage : कलिंगड नुकसान भरपाईची कृषिमंत्र्यांकडे मागणी.तातडीने सहायक वनसंरक्षक जयश्री जाधव, पाटणचे वनक्षेत्रपाल राजेश नलवडे, मंडलाधिकारी संजय जंगम, ग्राम महसूल अधिकारी नीलेश भाग्यवंत, माजी सभापती राजाभाऊ शेलार, रवी पाटील, भाजपचे तालुकाध्यक्ष नंदकुमार सुर्वे, सरपंच एकनाथ जाधव, रमेश जाधव यांनी घटनास्थळी भेट दिली. नुकसानीचा पंचनामाही केला..स्वप्नांवर पाणी...श्री. भिंगारदिवे यांची मुलगी श्रेया ही बीकॉम आयटीच्या शेवटच्या वर्षाला आहे. बीकॉम झाल्यावर तिला एमबीएला प्रवेश व त्यासाठी लॅपटॉप घेण्याचे श्री. भिंगारदिवे यांचे नियोजन होते. त्यांचे हे स्वप्न रानगव्यांच्या धुमाकूळामुळे भंग पावले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
