Kolhapur News: विहिरी आणि कूपनलिकेच्या तुटपुंज्या पाण्यावर पिके पिकवायची... दिवस-रात्र कष्ट आणि रखवाली करायची आणि शेतकऱ्यांची नजर चुकवून गव्यांच्या कळपाने पिकेच फस्त करायची... अशा परिस्थितीमुळे शेतकरी हवालदिल झाले आहेत. चिकोत्रा खोऱ्यातील विशेषतः तमनाकवाडा, हसूर, बोळावीवाडी, बाळेघोल गावांच्या डोंगरालगतची शेती पिकवताना गव्यांनी त्रस्त करून सोडले आहे. .मुळातच डोंगरालगतच्या शेतीला पाण्याची कमतरता आहे. कर्जे काढून विहीर, बोअर असे पर्याय उभारून उपलब्ध पाण्यावर शेतकरी शेती करत आहेत. मात्र या डोंगरापासून जवळ असणाऱ्या पिकांवर गव्यांच्या कळपांची मोठी नजर आहे. म्हणून त्यांच्यापासून पिके वाचवण्यासाठी शेतकऱ्यांना रात्रीही रखवाली करावी लागत आहे..Wildlife Conflict: वन्यप्राण्यांच्या उपद्रवाने पिकांचे नुकसान.एखाद्या रात्री रखवाली चुकली तर काय होते, याचा अनुभव तमनाकवाडा येथील सुरेश चौगले यांनी घेतला. एका रात्रीत दोन एकरांतील ऊस गव्यांनी फस्त केला. खते, मशागत, पाणी असा संपूर्ण खर्च वाया जाऊन मोठा आर्थिक फटका बसला. सुरेश चौगले यांनी कर्जे काढून ऊसपीक केले. .Wildlife Conflict: गगनबावड्यात बिबट्या, गव्यांची दहशत.गव्यांपासून संरक्षणासाठी रात्री डोंगरालगतच्या शेतातील खोपीत धोका पत्करून वस्ती करतात. यापूर्वी अनेकदा त्यांनी गव्यांना हुसकावले आहे. मात्र गेल्या आठवड्यात वस्तीसाठी जाता आले नाही. तेव्हा २५ ते ३० गव्यांच्या कळपाने दोन एकरांतील ऊस फस्त केला..पाच कर्मचाऱ्यांवर कागल शहर वगळून ८८ गावे आणि १५०० हेक्टर जंगल क्षेत्राची जबाबदारी आहे. दोन महिन्यांपासून तमनाकवाडा, हसूर, बोळावीवाडी, मासा बेलेवाडी, बेनिक्रे, कापशी, बाळेघोल येथील शेतकऱ्यांचे ऊस व ज्वारी पिकांचे गव्यांमुळे नुकसान होत आहे. वनविभाग त्वरित पंचनामा करून शेतकऱ्यांना शासकीय मदत मिळवून देण्यासाठी काम करत आहे. दोन महिन्यांत ४५ पंचनामे झाले असून शेतकऱ्यांना पाच लाखांवर मदत दिली आहे.- सागर पांढरे, वनपाल, कापशी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
