Kolhapur News: जंगलातील वन्यप्राणी मानवी वस्तीकडे वळू लागले आहेत. वन्यप्राण्यांमुळे शेती पिकांचे नुकसान होत आहे. तसेच प्राणघातक हल्ले करत असल्याने नागरिकांत भीतीचे वातावरण आहे. वन खात्याने यावर ठोस उपाययोजना कराव्यात, अशी मागणी होत आहे..काही दिवसांपासून शहरासह जिल्ह्याच्या ग्रामीण भागात बिबट्याचा वावर वाढला आहे. गगनबावडा तालुक्यात ठिकठिकाणी बिबट्याची दहशत कायम आहे. पंधरा दिवसांपूर्वीच अणदूरजवळील कावळटेक येथे बिबट्याने शेतकऱ्याच्या पाळीव बैलावर हल्ला करून ठार केले. .Wild Crop Damage : सिंधुदुर्गात गव्यांचा उच्छाद; भातपिकांचे प्रचंड नुकसान.त्यातच सांगशी व वेसरफ येथे शेळ्यांवर हल्ला करून त्यांना ठार केल्याची घटना ताजी आहे. अधूनमधून नागरिकांना जंगल परिसरात बिबट्याचे दर्शन होत आहे. मंगळवारी सकाळीच जरगीत भर वस्तीत गवा आला होता. या घटनांमुळे तालुक्यातील नागरिकांत भीतीचे वातावरण आहे..Leopard Conflict: बिबट्या समस्या निवारणासाठी साखर कारखान्यांनी पुढाकार घ्यावा.तालुक्यात वन्यप्राणी शेती पिके खाऊन शेतकऱ्यांचे हजारो रुपयांचे नुकसान दरवर्षी करत आहेत. त्याची मिळणारी नुकसानभरपाई तुटपुंजी असल्याने शेतकऱ्यांना मोठ्या प्रमाणात नुकसानीला सामोरे जावे लागत आहे. .यापूर्वी गव्यांनी तालुक्यात अनेक शेतकऱ्यांवर जीवघेणे हल्ले केले आहेत. यात काही जणांनी प्राण गमावले आहेत; तर काहीजण गंभीर जखमी झाले आहेत. तालुक्याच्या पश्चिम भागासह धुंदवडे खोरी भीतीच्या छायेत आहेत. विशेषतः अणदूर-धुंदवडे, खोकुर्ले-कोदे मार्गावरून रात्री-अपरात्री प्रवास करणाऱ्यांनी काळजीघेणे गरजेचे आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
