Wildlife Conflict: निलंगा तालुक्यासह मदनसुरी परिसरात यंदाच्या खरीप हंगामात वन्य प्राण्यांचा उपद्रव मोठ्या प्रमाणात वाढला आहे. सोयाबीन, तूर, उडीद, मूग, मका, भुईमूग, भाजीपाला तसेच ऊस पिकांचे मोठ्या प्रमाणावर नुकसान होत आहे. विशेषतः रात्रीच्या वेळी रानडुकरांच्या कळपांकडून पिकांची नासधूस होत आहे. दिवसा हरीण व वानरांकडूनही पिकांचे मोठे नुकसान होत आहे. त्यामुळे आधीच अनियमित पाऊस, वाढता उत्पादन खर्च आणि हवामानातील बदलांचा सामना करणाऱ्या शेतकऱ्यांसमोर आता वन्य प्राण्यांचे नवे संकट उभे राहिले आहे..मदनसुरी परिसरातील अनेक शेतकरी रात्रभर शेतात जागरण करून पिकांचे संरक्षण करण्याचा प्रयत्न करीत आहेत. फटाके, टॉर्च, ढोल, सायरन आदी उपायांचा वापर करूनही वन्य प्राण्यांच्या वाढत्या संख्येमुळे हे उपाय निष्प्रभ ठरत आहेत. सध्या अनेक ठिकाणी रानडुक्करांनी संपूर्ण शेतातील पट्टे उद्ध्वस्त केल्याने उत्पादनात मोठी घट होण्याची शक्यता आहे. ऊस, मका आणि भुईमूग पिकांनाही मोठा फटका बसत आहे..Wild Animals Crop Damage: कोवळी पिके वन्य प्राण्यांकडून फस्त.वन विभागाकडे नुकसानाची तक्रार केल्यानंतर पंचनामा केला जातो; मात्र प्रत्यक्ष नुकसानभरपाई मिळण्यास अनेकदा विलंब होतो. काही वेळा मिळणारी भरपाईही झालेल्या प्रत्यक्ष नुकसानीच्या तुलनेत अपुरी असल्याची भावना शेतकऱ्यांमध्ये आहे. त्यामुळे पंचनाम्यापासून नुकसानभरपाईपर्यंतची प्रक्रिया अधिक जलद, पारदर्शक आणि सुलभ करण्याची मागणी मदनसुरी परिसरातील शेतकरी करत आहेत..राज्य शासनाने वन्य प्राण्यांमुळे होणाऱ्या पीक नुकसानीसाठी भरपाईची तरतूद केली असली, तरी वाढत्या वन्य प्राण्यांच्या संख्येवर नियंत्रण, प्रभावी प्रतिबंधात्मक उपाययोजना आणि शेतकऱ्यांच्या संरक्षणासाठी कायमस्वरूपी यंत्रणा उभारण्याची गरज असल्याचे मत शेतकरी व्यक्त करीत आहेत. अन्यथा भविष्यात शेती करणे अधिक कठीण होईल, अशी भीती व्यक्त होत आहे..WildLife Crop Damage: रानडुकरांकडून शाहूवाडीतील अनेक गावांमध्ये पिकांचे नुकसान.मोकाट डुकरांचाही पिकांना उपद्रवमदनसुरी परिसरासह अनेक गावांमध्ये काही टोळ्या लहान रानडुकरे आणून गावालगतच्या परिसरात सोडत असल्याची तक्रार शेतकऱ्यांकडून केली जात आहे. ही डुकरे ऊस, मका, भुईमूग व इतर पिकांचे मोठ्या प्रमाणात नुकसान करतात. .अशा टोळ्यांचा शोध घेऊन संबंधितांवर कठोर कारवाई करावी, तसेच या प्रकाराला आळा घालण्यासाठी वन विभाग, महसूल प्रशासन व पोलिसांनी संयुक्त मोहीम राबवावी, अशी मागणी शेतकरी वर्गातून होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
