Wardha News : देवळी तालुक्यातील आंजी बऱ्हाणपूर शिवारात पांढऱ्या माशीचा प्रादुर्भाव नियंत्रणासाठी शेतकऱ्यांनी एका खासगी कंपनीचे किटकनाशक फवारले होते. मात्र यामुळे १५० एकरावरावरील सोयाबीन, कपाशीचे पीक करपल्याचा शेतकऱ्यांचा आरोप आहे. .याबाबत शेतकऱ्यांच्या तक्रारीची दखल घेत आमदार राजेश बकाने यांनी नुकसानग्रस्त भागाची पाहणी केली. या प्रकरणात शेतकऱ्यांना मदत मिळवून देणार असल्याचे आश्वासन यावेळी त्यांनी दिले. आमदार राजेश बकाने यांनी यापूर्वी मध्यप्रदेशातील एका बियाणे कंपनीच्या माध्यमातून शेतकऱ्यांच्या झालेल्या फसगतीचा भंडाफोड केला होता. .शेतकऱ्यांना न्याय मिळावा याकरिता त्यांनी विधानसभेतही या विरोधात प्रश्न उपस्थित केला होता. वर्धा जिल्हा तत्कालीन अधिक्षक कृषी अधिकारी शंकर तोटावार यांच्यावरही याप्रकरणात दोषारोप झाले होते. त्यानंतर त्यांचा प्रभारी म्हणून पदभार काढून घेण्यात आला. आता पुन्हा एका कंपनीच्या निविष्ठा वापरामुळे शेतकरी अडचणीत आले आहेत..कपाशी आणि सोयाबीन पिकात पांढऱ्या माशीचा प्रादुर्भाव वाढला होता. त्याचे नियंत्रणासाठी कंपनी प्रतिनिधीच्या सल्ल्यानुसार शेतकऱ्यांनी कीटकनाशकाची फवारणी केली. मात्र काही दिवसातच पिकाची पान पिवळी पडत संपूर्ण शिवारातील पीक करपले..Illegal Pesticide : कीटकनाशकांचा अडीच लाखांचा साठा जप्त .काही भागात शेतकऱ्यांनी या किडनाशकाची फवारणी केली असता संपूर्ण पीकच नष्ट झाले. परिणामी संततधार पावसामुळे आधीच अडचणीत असलेल्या शेतकऱ्यांच्या चिंतेत भर पडली आहे. दरम्यान शेतकऱ्यांच्या या संदर्भाने असलेल्या तक्रारींची दखल घेत आमदार राजेश बकाने यांनी अधिकाऱ्यांसह प्रादुर्भावग्रस्त पिकाची पाहणी केली..Illegal Pesticide : कीटकनाशक बाटलीवरील क्यूआर कोडशी छेडछाड.यावेळी देवळी तहसीलदार समर्थ क्षीरसागर, उपविभागीय कृषी अधिकारी वैष्णवी शिंदे, केव्हीकेचे वरिष्ठ शास्त्रज्ञ डॉ. जीवन कतोरे, तालुका कृषी अधिकारी प्रतीक्षा मेंढे, कृषी तंत्र अधिकारी महेश खर्डे, अमोल मंडाळकर, राहुल चोपडा, सचिन कुऱ्हाडकर, अशोक वेले उपस्थित होते..शेतकऱ्यांना मदत मिळणारबाधित पिकाची पाहणी केल्यानंतर आमदार राजेश बकाने यांनी शेतकऱ्यांना दिलासा दिला. कीटकनाशकांच्या फवारणीपायी नुकसान झालेल्या शेतकऱ्यांना मदत मिळवून देण्याचे आश्वासन त्यांनी यावेळी दिले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
