Jalgaon News: खानदेशात सूक्ष्मसिंचनाचे मोठे अनुदान रखडले आहे. इतर मागासवर्गीय, खुल्या प्रवर्गातील शेतकरी या अनुदानासाठी कृषी विभागात चकरा मारीत आहेत. यातच निवडणुकीची किंवा जिल्हा परिषद, पंचायत समित्यांची निवडणूक जाहीर झाली आहे. अनुदानाचे वितरण होईल की नाही, असा मुद्दा शेतकरी उपस्थित करीत आहेत. .काही शेतकऱ्यांचे अनुदान मध्यंतरी आले. परंतु अनेकांचे अनुदान प्राप्त झालेले नाही. सूक्ष्मसिंचनासंबंधी केंद्र व राज्य सरकारने योजना आणली आहे. यात मागासवर्गीय, अनुसूचित जमाती व इतर मागासवर्गीय, खुल्या प्रवर्गातील शेतकऱ्यांना अनुदान दिले जाते. सूक्ष्मसिंचन अनुदान थेट शेतकऱ्यांच्या बँक खात्यात जमा केले जाते. .Micro Irrigation Subsidy Fraud: गैरप्रकार आढळल्यास अधिकाऱ्यांवर कारवाई.त्यासाठी प्रथम महाडीबीटी या संकेतस्थळावर जाऊन अर्ज सादर करावा लागतो, हा अर्ज मंजूर झाल्यानंतर पूर्वसंमती येते, ही संमती आल्यानंतर या संकेतस्थळावर कागदपत्र अपलोड करावी लागतात. ही सर्व प्रक्रिया पूर्ण केल्यानंतरही शेतकऱ्यांना अनुदानासाठी कृषी विभागात चकरा माराव्या लागत आहेत. परंतु कार्यवाही होत नाही. कृषी विभाग शासनाकडे बोट दाखवित आहे. निवडणुकांची धामधूम सुरू झाल्याने शेतकरी संभ्रमात व हवालदिल झाले आहेत. कारण अनुदानाबाबत कुठेही समाधानकारक माहिती मिळत नाही..Micro Irrigation Subsidy : सूक्ष्म सिंचन अनुदान रखडल्याने शेतकरी लाभापासून वंचित .अनेकांचे अर्ज प्रलंबितया प्रक्रियेत अनेकांना चार ते सहा महिने लागले. कारण अनेकांचे अर्ज तीन-चार महिने प्रलंबित होते. तर काहींचे अर्ज मंजूर झाल्यानंतर चार-सहा महिने पूर्वसंमती आली नाही. पूर्वसंमतीनंतर संकेतस्थळ व्यवस्थित कार्यरत नव्हते. सर्व्हर डाऊनची समस्या होती. कागदपत्र अपलोड होत नव्हते. अर्ज, पूर्वसंमती यात सहा ते आठ महिने गेले. यानंतर ठिबक घेऊन शेतकऱ्यांनी ती शेतात कार्यरत केली..कृषी विभागाच्या अधिकृत अधिकाऱ्यांनी शेत, स्थळपाहणी केली. जिओ टॅगिंगचे छायाचित्र घेतले. पुढे ही फाइल कृषी विभागाने पडताळणी, तपासणी करून संकेतस्थळावर अपलोड केली. ती मंडलअधिकारी यांनी मंजूर करून पुढे अनुदानासाठी पाठविली. यात अनेक फाईल चार ते पाच महिन्यांपासून अनुदानासाठी पाठविल्या आहेत. परंतु त्या मंजूर नाहीत. जळगावमध्ये खुल्या व इतर मागासवर्गीय प्रवर्गातील अनेक फाइल प्रलंबित आहेत. अशीच स्थिती धुळे व नंदुरबारमध्ये आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
