Winter Damage on Sorghum : यंदा राज्यात काही भागांमध्ये थंडीचा तडाखा भरपूर होता. हवामान अगदी १० अंश सेल्सिअसच्या खाली जात होते. त्यात ज्वारीचे पीक सध्या वाढीच्या अवस्थेत आहे. परंतु थंडीमुळे ज्वारीच्या पिकात वाढ मंदावली. पानं पिवळी पडायला लागली. परंतु वेळीच उपाय केल्यास शेतकरी पिकाची वाढ पूर्ववत करु शकतात. .ज्वारीसाठी अनुकुल हवामानज्वारीच्या उगवणीसाठी २५ ते ३० अंश सेल्सिअस तर वाढीसाठी २० ते २८ अंश सेल्सिअस तापमान अनुकूल असते. १० अंश सेल्सिअसपेक्षा कमी तापमान झाल्यास पिकावर विपरित परिणाम होतो..Jowar Pest Management: रब्बी ज्वारीवरील लष्करी अळीच्या नियंत्रणासाठी सोप्या २ पद्धती.थंडीचा परिणामकडाक्याच्या थंडीमुळे बियाण्यांची उगवण थांबते.तापमान जर १० अंश सेल्सिअसच्या खाली गेले तर ज्वारीची वाढ खुंटते.जास्त थंडीमुळे पीक अकाली पिवळे पडते आणि पाने जळतात, तसेच पिकाची वाढ खुंटते आणि उत्पादन घटते..फुलोरा अवस्थेत जास्त थंडी असल्यास, फुलांची वाढ मंदावते, परागकण निर्मिती कमी होते आणि उत्पादन घटते.काहीवेळा ढगाळ हवामान आणि थंडीमुळे मावासारख्या किडींचा प्रादुर्भाव वाढू शकतो.या सर्व परिणामांमुळे ज्वारीच्या धान्य व कडबा उत्पादनात घट होते..उपायशेतात पुरेसा ओलावा ठेवल्यास थंडीचा परिणाम कमी होतो.पिकाची पाने पिवळी पडल्यास तसेच पिकाची वाढ खुंटलेली असेल तर तातडीने १९:१९:१९ या खताची पाण्यातून फवारणी करावी. यासाठी १० ग्रॅम प्रति लिटर पाणी हे प्रमाण घ्यावे. या फवारणीसाठी पाणी उपलब्ध असणे अत्यंत गरजेचे आहे. थंडाच्या परिणामासाठी १९:१९:१९ ची फवारणी फायदेशीर राहील असा सल्ला वसंतराव नाईक मराठवाडा कृषि विद्यापीठाच्या ज्वार संशोधन केंद्र कृषिविद्यावेत्ता डॉ.प्रीतम भुतडा यांनी दिला.तसेच ढगाळ वातावरण वाढत असल्याने कीड रोगांचा प्रादुर्भाव वाढण्याची शक्यता आहे. त्यामुळे पिकामध्ये वारंवार सर्वेक्षण करावे. गरजेनुसार शेतामध्ये चिकटसापळे उभारावेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
