Pune News: महाराष्ट्र राज्य फलोत्पादन व औषधी वनस्पती मंडळाचा गाशा गुंडाळल्यानंतर आता मंडळासाठी आलेल्या ६८ कोटी रुपयांच्या निधीचे काय करायचे, असा प्रश्न निर्माण झाला आहे..फलोत्पादन मंडळ बंद करून तीन महिन्यांच्या आत सर्व कामकाज फलोत्पादन विभागाकडे वर्ग करण्याचे आदेश तीन ऑक्टोबर २०२५ रोजी कृषी मंत्रालयाचे कार्यसन अधिकारी दीपक राऊत यांनी जारी केले होते. मंडळातील कंत्राटी कर्मचारी तसेच सर्व स्थावर आणि जंगम मालमत्तादेखील फलोत्पादन विभागाकडेच वर्ग करावी, असेही शासनाने म्हटले होते. त्यानुसार, गेल्या तीन महिन्यांपासून हस्तांतराची सुरू असलेली प्रक्रिया शनिवारी (ता.३) समाप्त झाली..Agriculture Department: अकोल्यात ‘कृषी’ला अधिकारी मिळेनात.मंडळाला २०२५-२६ या चालू आर्थिक वर्षात १३६ कोटी रुपये मंजूर झाले होते. त्यातून एकात्मिक फलोत्पादन विकास अभियानाच्या योजना राबविणे अपेक्षित होते. यंदा या योजना संथगतीने राबविल्या जात आहेत. त्यात पुन्हा मंडळच बंद करण्यात आल्यामुळे आर्थिक वर्ष संपण्याच्या आत योजनेचे उद्दिष्ट पूर्ण होणार की नाही,.याबाबत अधिकाऱ्यांनी शंका व्यक्त केली आहे. मंडळाला मिळालेल्या एकूण १३६ कोटी निधीपैकी ६८ कोटी रुपये वापरले गेले आहेत. उर्वरित ६८ कोटींचा निधी अलीकडेच पुन्हा प्राप्त झाला आहे..Well Funds: नुकसानग्रस्त विहिरींच्या भरपाईसाठी शासनाकडून निधी.‘‘मंडळ बंद आहे, मात्र पुन्हा निधी मिळाल्यामुळे तो खर्च करण्याची समस्या तयार झाली आहे. त्यात पुन्हा निधी खर्च करण्यासाठी कायदेशीर अधिकार दिलेले अधिकारीदेखील कार्यमुक्त झाले आहेत. नव्या अधिकाऱ्यांना अद्याप निधी खर्च करण्याचे अधिकार मिळालेले नाहीत,’’ असे एका जिल्हा अधीक्षक कृषी अधिकाऱ्याने सांगितले..फलोत्पादन मंडळ चालविण्यासाठी नियुक्त केलेले पाच तंत्र अधिकारी आणि तीन जिल्हा अधीक्षक कृषी अधिकारी दर्जाचे अधिकारी डिसेंबरमध्येच कार्यमुक्त झाले आहेत. त्यामुळे मंडळाकडे असलेले विविध ७२ प्रकारचे घटक व त्याचे लाभ वेळेत शेतकऱ्यांकडे पोहोचविण्याचे आवाहन आता फलोत्पादन संचालनालयासमोर उभे आहे..तूर्त मंडळातील कंत्राटी कामगार कायम ठेवण्यात आले आहेत. मात्र, मंडळातून कार्यमुक्त केलेल्या आधीच्या तीनही जिल्हा अधीक्षक अधिकाऱ्यांना नव्या नियुक्त्या दिलेल्या नाहीत. विशेष म्हणजे या अधिकाऱ्यांना नोव्हेंबर महिन्यापासून वेतनदेखील देण्यात आलेले नाही, असे सूत्रांचे म्हणणे आहे..फलोत्पादन मंडळ बंद करताना सारे कामकाज आम्ही सध्याच्या फलोत्पादन विभागातील अधिकाऱ्यांना वाटून दिले आहे. तसेच निधीदेखील वेळेत खर्च करण्याचे नियोजन चालू आहे. त्यामुळे निधी अखर्चित राहील, असे वाटत नाही.अंकुश माने, कृषी संचालक, फलोत्पादन विभाग.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
