Farmer Loss Vidarbha: पश्चिम विदर्भातील अकोला, बुलडाणा आणि वाशीम जिल्ह्यांत निसर्गाचा लहरीपणा थांबण्याचे नाव सध्या घेत नसल्याची स्थिती आहे. शुक्रवारी (ता. ३) रात्री आणि शनिवारी (ता. ४) पहाटेच्या सुमारास सलग चौथ्या दिवशी पूर्वमोसमी पावसाने या जिल्ह्यात विविध भागांना झोडपून काढले. वादळी वारे आणि काही ठिकाणी झालेल्या गारपिटीमुळे काढणीला आलेल्या पिकांचे अतोनात नुकसान झाले असून बळीराजा पुन्हा एकदा मोठ्या संकटात सापडला आहे..मागील तीन-चार दिवसांपासून दररोज दुपारनंतर वातावरणात अचानक बदल होत असून पाऊस हजेरी लावत आहे. गेल्या २४ तासांत अकोला व तेल्हारा तालुका, वाशीम जिल्ह्यातील मालेगाव आणि कारंजा, मानोरा परिसरात पावसाचा जोर अधिक होता. सोसाट्याच्या वाऱ्यासह आलेल्या या पावसामुळे वीजपुरवठाही खंडित झाला होता. शनिवारी (ता.४) सकाळपासूनच ढगाळ वातावरण बनले होते..Banana Crop Damage: वादळी पावसामुळे केळीचे मोठे नुकसान.या पूर्वमोसमी पावसाचा सर्वाधिक फटका नगदी आणि फळपिकांना बसला आहे. सध्या कलिंगड व खरबूज काढणी सुरू आहे. या परिस्थितीने कलिंगड आणि खरबूज, आंबा उत्पादकांची झोप उडवली आहे.पावसामुळे फळांना तडे जाण्याची शक्यता निर्माण झाली आहे..Pune Crop Damage: ‘पूर्वमोसमी’ने अडीच हजार हेक्टरवरील पिके बाधित.वादळामुळे काढणीला आलेला गहू जमिनीवर आडवा झाला असून, सध्या सुरू असलेल्या हळद काढणीच्या कामात पावसामुळे मोठा व्यत्यय आला आहे. उघड्यावर असलेली हळद भिजल्याने शेतकऱ्यांचे नुकसान झाले आहे..वादळामुळे आंब्याचे नुकसान होत असून फळे जमिनीवर पडलेली दिसून येत आहेत.सलग चार दिवसांपासून पाऊस भाग बदलत हजेरी लावत आहे. यामुळे शेतात राबून पिकवलेला माल हातातून जाण्याची वेळ आली आहे.सलगच्या या नैसर्गिक संकटामुळे रब्बी हंगामाच्या शेवटच्या टप्प्यात शेतकऱ्यांचे आर्थिक गणित पूर्णपणे कोलमडले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
