Police Arrest: प्रति क्विंटल दोनशे रुपये जादा देण्याचे आमिष दाखवत रिमोटच्या साह्याने वजन काटे संचालित करून त्याआड शेतकऱ्यांच्या लुटीचा धंदा करणाऱ्या अकोला जिल्ह्यातील १३ जणांच्या टोळक्याला पोलिसांनी अटक केली. गेल्या काही दिवसांत या टोळक्याने अशाप्रकारे शेतकऱ्यांची कोट्यवधी रुपयांची फसवणूक केल्याचा संशय व्यक्त केला जात आहे. .अंबोडा (ता. आर्णी) येथील शेतकरी रमेश देविसिंग राठोड (वय ३२) यांच्या तक्रारीवरून ही कारवाई करण्यात आली. ११ मार्चपासून बार्शीटाकळी (जि. अकोला) येथील काही व्यापारी कापसाला बाजारभावापेक्षा अधिक दर देत कापसाची खरेदी करत होते. दरम्यान, १८ मार्च रोजी कापूस मोजणीदरम्यान वजनात तफावत आढळल्याने शेतकऱ्याला संशय आला. याच वेळी तेरा जणांपैकी एक आरोपी हा रिमोटद्वारे इलेक्ट्रॉनिक वजन काटे संचालित करत असल्याची बाब ही शेतकऱ्यांच्या लक्षात आली. हा खुलासा होताच शेतकऱ्याने तत्काळ आर्णी पोलिसांना याबाबत फोनवरून माहिती दिली. याची दखल घेत पोलिस घटनास्थळी दाखल झाले..Farmer Fraud: बीटी बियाण्याच्या पुनर्प्रमाणीकरणाच्या नावाखाली शेतकऱ्यांची फसवणूक.पोलिसांनी आरोपींकडून इलेक्ट्रॉनिक वजन काटे कशाप्रकारे रिमोटद्वारे संचलित केले जातात याचे प्रात्यक्षिकही करून घेतले. या प्रकारात दिलीप घोरपडे यांचा सुमारे ९०० किलो (६५,७००) व फिर्यादी राठोड यांचा ५०० किलो (३६,८००) कापूस कमी वजनात खरेदी करून एकूण १,०२,५०० ची फसवणूक झाल्याचे निष्पन्न झाले. त्यानंतर पोलिसांनी शेतकऱ्यांच्या तक्रारीवरून मोहम्मद वारीस मोहम्मद शेरू (वय ६५, रा. बोरगाव मंजू, जि. अकोला), सादिक रसूल हमीद रसूल (वय ३६), .रेहबर खान रियासउल्ला खान (वय २७), अन्सार खान सालार खान (वय २७), गफ्फार शहा मुक्तार शहा (वय ३२), अब्दूल आतिक अब्दूल मजीद (वय २६), अफताब अहमद कासिम अहमद (वय २४), शेख जुबेर शेख निसार (वय २२), तारीक खान सखावतुल्ला खान (वय ३६), इम्रान खान अहमद खान (वय २७), मोहम्मद सोयेब मोहम्मद नासीर (वय ३१), नावेद खान युनूस खान (वय २६), नासिद ऊर्फ नासीर रशीद (वय २८), .Weighbridge Verification: रांजणीतील ‘नॅचरल शुगर’च्या उसाचे वजनकाटे ‘ओके’च.सोहेल खान अनीस खान (वय ३०) (सर्व रा. बार्शी टाकळी, जि. अकोला) अशा १४ जणांनी विरोधात गुन्हा दाखल केला यापैकी १३ आरोपींना अटक करण्यात आली असून मुख्य आरोपी मोहम्मद वारीस मोहम्मद शेरू याला प्रकृती अस्वास्थ्यामुळे अटक करण्यात आली नाही. आरोपींकडून इलेक्ट्रॉनिक वजनकाटा, रिमोट, पिकअप वाहन व इतर साहित्य जप्त करण्यात आले. ही कारवाई पोलिस अधीक्षक कुमार चिंता, अपर पोलिस अधीक्षक अशोक थोरात व उपविभागीय अधिकारी डॉ. सिद्धेश्वर भोरे यांच्या मार्गदर्शनाखाली ठाणेदार नीलेश सुरडकर, पोलिस उपनिरीक्षक दुर्योधन राठोड व पथकाने केली..किती शेतकरी लुबाडले?अंबोडा परिसरात मागील महिनाभरापासून ही टोळी सक्रिय होती. त्यामुळे आणखी किती शेतकऱ्यांची फसवणूक झाली, याचा सखोल तपास करण्यात यावा, अशी मागणी शेतकरी वर्गातून होत आहे..‘सेटिंग’चा प्रयत्न चर्चेतप्रकरण उघडकीस आल्यानंतर काही जणांनी आरोपींना वाचवण्यासाठी ‘सेटिंग’चा प्रयत्न केल्याची चर्चा आहे. रात्री उशिरा काही मंडळी पोलिस ठाण्यात दाखल झाल्याने या प्रकरणाला अधिकच वेगळे वळण लागले होते. मात्र दबाव वाढल्याने अखेरीस याप्रकरणी पोलिसांना गुन्हा दाखल करावा लागला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
