Nagpur News : शेतकऱ्यांच्या फळपिकांना हवामान धोक्यांपासून विमा संरक्षण देण्यासाठी शासनाने पुनर्रचित हवामान आधारित फळपिक विमा योजनेला सुरुवात केली आहे. मात्र यात सहभागासाठी फार्मर आयडी अनिवार्य करण्यात आली आहे.केळी मोसंबी या फळपिकांसाठी महिनाभराची तर संत्रा पीकासाठी दोन महिन्याची मुदत देण्यात आली आहे. .प्रधानमंत्री पीक विमा योजनेतंर्गत हवामान आधारित फळपिक विमा योजना सन २०२४-२५ व २०२५-२६ या दोन वर्षामध्ये मृग व आंबिया बहाराकरिता नागपूर जिल्ह्यातील संत्रा, मोसंबी व वर्धा जिल्ह्यातील संत्रा, मोसंबी, लिंबू व केळी या फळपिकाकरिता अधिसूचित क्षेत्रामध्ये योजना राबविण्यास मान्यता मिळाली आहे..Fruit Crop Insurance : फळपीक विमा योजनेत शेतकऱ्यांनी सहभागी व्हावे.केळी, मोसंबीसाठी या पिकासाठी ३१ ऑक्टोबर तर संत्रा पिकासाठी ३० नोव्हेंबर पर्यंत शेतकऱ्यांना अर्ज करता येणार आहे. वर्धा जिल्ह्यासाठी भारतीय कृषी विमा कं. लि. मुंबई, तर नागपूर जिल्ह्यासाठी युनिव्हर्सल सोम्पो जनरल इंशुरन्स, कं.लि. ही विमा कंपनी नियुक्त केली आहे..निवडक तालुक्यातील शेतकऱ्यांना घेता येणार लाभही योजना अधिसूचित केलेल्या निवडक क्षेत्रातील अधिसूचित फळपिकांसाठी असणार आहे. इतर तालुक्यातील शेतकऱ्यांना यात भाग घेता येणार नाही. ३५ टक्के वरील विमा हप्ता राज्य शासन व शेतकरी यांनी प्रत्येकी ५०:५० टक्के प्रमाणे भरावयाचा आहे. योजनेत सहभागी होणाऱ्या शेतकऱ्यांनी ई- पीक पाहणी करणे बंधनकारक आहे. केवळ उत्पादनक्षम फळबागांना (संत्रा व मोसंबी ३ वय वर्ष) विमा संरक्षणाचे कवच लागू राहणार आहे. .Fruit Crop Insurance: फळ पीकविमा योजनेत अनेक त्रुटी कायम.वर्धा जिल्ह्यासाठी १२ हजार प्रिमीयमनागपूर आणि वर्धा जिल्ह्यात संत्र्याचे मोठ्या प्रमाणात पीक घेतले जाते. मात्र विमा हप्त्याची रक्कम दोन्ही जिल्ह्यासाठी वेगवेगळी आहे. वर्धा जिल्ह्यासाठी १२ हजार रुपये प्रिमीयम तर नागपूर जिल्ह्यासाठी ५ हजार रुपये एवढा आहे. यात अवेळी पाऊस, कमी तापमान, जादा तापमान आदींसाठी एक लाख रुपयांचे संरक्षण दिले जाणार आहे. वर्धा आणि नागपूर जिल्ह्यात मोसंबी पिकासाठी प्रत्येकी पाच हजार रुपये प्रिमीयम तर वर्धा जिल्ह्यात केळी पिकांसाठी ८ हजार ५०० रुपये प्रिमीयम भरावा लागणार आहे..या तालुक्यातील शेतकऱ्यांना घेत येणार सहभागसंत्रा ः वर्धा आर्वी, कारंजा, आष्टीमोसंबी ः कारंजा, आष्टीकेळी ः वर्धा, सेलूनागपूर संत्रा ः नागपूर (ग्रा.) कामठी, हिंगणा, रामटेक, पारशिवनी, काटोल, नरखेड, सावनेर, कळमेश्वर, उमरेड, भिवापूर, कुहीमोसंबी ः नागपूर (ग्रा.) हिंगणा, पारशिवनी, काटोल, नरखेड, सावनेर, कळमेश्वर, कुही.आंबिया बहार-२०२५ फळ पीक विमा योजनेत सहभागी होण्याकरिता नजीकच्या बँक शाखेत तसेच आपले सरकार सेवा केंद्रावर विहित मुदतीत विमा हप्ता भरून सहभागी व्हावे.-उमेश घाटगे, विभागीय कृषी सहसंचालक, नागपूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
