Sangli News : जिल्ह्यात पुनर्रचित हवामान आधारित २०२५-२६ साठी आंबिया बहरासाठी फळपीक विमा भरण्याचे काम सुरू आहे. या योजनेत आजअखेर ३४४ शेतकऱ्यांनी फळपीक विमा घेतला आहे. जिल्ह्यातील शेतकऱ्यांनी फळपीक विमा योजनेत सहभागी होण्यासाठी ॲग्रीस्टॅक व ई-पीक पाहणी शेतकऱ्यांनी करावी, असे आवाहन कृषी विभागाने केले आहे..अतिवृष्टी, पावसाचा खंड, यामुळे फळ पिकांचे नुकसान झाल्यास त्या शेतकऱ्यांना भरपाई मिळावी यासाठी फळपीक विमा योजना सुरू झाली आहे. शेतकऱ्यांना विमा योजनेत अर्ज करावा लागतो. नुकसान झाले तर त्याचे पंचनामे होऊन भरपाई मिळते..यंदाची पुनर्रचित हवामान पीकविमा योजना सुरू झाली आहे. कृषी विभागाने प्रत्येक तालुक्यात फळपीक विमा योजनेची प्रचार आणि प्रसिद्धीही केली आहे. तसेच या योजनेत महत्त्व शेतकऱ्यांमध्येही पटवून दिले आहे. त्यामुळे शेतकरी पीकविमा घेण्यासाठी पुढाकार घेत असल्याचे चित्र आहे..Fruit Crop Insurance : आंबिया बहर फळपीक विमासाठी शेतकरी ओळख क्रमांक बंधनकारक.यंदा पुनर्रचित हवामान आधारित फळ पीकविमा योजनेसाठी बजाज अलियान्झ जनरल इन्शुरन्स कंपनी आहे. द्राक्ष, केळी, डाळिंब आणि आंबा या पिकासाठी शेतकऱ्यांनी फळ पिकांसाठी हवामान धोक्याच्या निकषानुसार राबविली जाणार आहे. .Fruit Crop Insurance: वर्धा, नागपूर जिल्ह्यांसाठी फळपीक विमा योजनेला सुरुवात .पीकविमा योजनेत सहभागी होण्यासाठी ई-पीक पाहणी, तसेच अॅग्रीस्टॅक योजनेतील शेतकरी ओळख क्रमांक बंधनकारक करण्यात आला आहे. त्यामुळे ज्या शेतकऱ्यांनी ई-पीक पाहणी, तसेच अॅग्रीस्टॅकची नोंदणी केली नसेल तर त्या शेतकऱ्यांनी करावी. शेतकऱ्यांनी विहित मुदतीत पोर्टलवर विमा नोंदणी करावी, असे आवाहन कृषी विभागाने केले आहे..द्राक्ष पीकविमा घेण्यासाठी १५ ऑक्टोबर, केळी पिकासाठी ३१ ऑक्टोबर, आंबा (कोकण वगळून) ३१ डिसेंबर तर डाळिंबासाठी १४ जानेवारी २०२६ अशी पीकविमा भरण्यासाठी अंतिम मुदत आहे. योजनेबाबत काही अडचणी आल्यास शेतकऱ्यांनी कृषी विभागाचे क्षेत्रिय स्तरावरील अधिकारी, कर्मचारी अथवा संबंधित विमा कंपनी प्रतिनिधीशी संपर्क साधावा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
