Farmer Crop Loss Issue: कलिंगड बियाणे पुरवठादार, कीडनाशके व विद्राव्य खते उत्पादकांची चुकीची माहिती, बाजारपेठेबाबतचे खोटे दावे यावर विश्वास ठेवून अनेकांनी खानदेशात लेट खरिपातील कलिंगड पिकाची लागवड केली. पण आता घसरलेले दर व विषम वातावरणाचा मोठा फटका कलिंगड उत्पादकांना बसत आहे..मागील हंगामात कलिंगडाला दिवाळीच्या कालावधीत जागेवर किंवा शिवार खरेदीत ३५ ते ४० रुपये प्रति किलोचे दर मिळाले होते. अनेकांना एक एकरात दोन लाख रुपयांवर नफा मिळाला होता. .Watermelon in Drought: यावर्षी टरबूज लागवड करताना कोणत्या गोष्टी लक्षात ठेवाव्या?.मागील हंगामातील लाभ व पुढील बाजारपेठेची चाल, मागणी याची चुकीची, फसवी माहिती काही कलिंगड बियाणे पुरवठादार, विद्राव्य खते व कीडनाशके उत्पादक, पुरवठादार आणि स्वयंघोषित कलिंगड तज्ज्ञांनी खानदेशात समाज माध्यमे व आपल्या कृषी केंद्र नेटवर्कच्या मदतीने सतत प्रसारित केली..Watermelon Harvest: कलिंगड आले काढणीवर; जुलैतील लागवड.केळी व अन्य पिकांत तोटा आला, यंदा दुष्काळ आहे, यात दोन पैसे मिळतील, या अपेक्षेने अनेकांनी खानदेशात ऑगस्टमध्ये कलिंगड लागवड केली. ऑगस्ट व सप्टेंबरमध्ये खानदेशात जळगाव जिल्ह्यात सुमारे ४०० हेक्टरवर, धुळ्यात ११० हेक्टरवर लागवड झाली आहे..दिल्लीच्या खरेदीदारांचा समाज माध्यमांवर धुमाकूळखानदेशातील कलिंगडाची कमाल पाठवणूक दिल्ली व नवी मुंबईच्या बाजारात केली जाते. कलिंगडाचे दर वधारू नयेत यासाठी तेथील लॉबी सक्रिय आहे. त्यात स्थानिक एजंटही एका १६ टनाच्या ट्रकमागे आपल्याला किमान २० ते २५ हजार रुपये कसे मिळतील, यासाठी शेतकऱ्यांची लूट करीत आहेत. स्थानिक एजंटची लूट व दिल्लीमधील खरेदीदार, व्यापाऱ्यांचे कमी दरांचे समाज माध्यमातील संदेश यामुळे कलिंगड बाजार पडला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
