Jalgaon News: खानदेशात आगाप कलिंगडाची लागवड सुरू झाली होती, पण पाऊस व ढगाळ, पावसाळी वातावरण यामुळे ही लागवड रखडली आहे. लागवड यंदा स्थिर राहणार असून, सुमारे सात ते आठ हजार हेक्टरवर कलिंगड पीक राहील, असे दिसत आहे. खरबुजाची लागवड मात्र यंदा अल्प असणार आहे. .मागील वेळेस रब्बीत कलिंगडाची लागवड खानदेशात नंदुरबारातील तळोदा, शहादा भागात अधिकची घटली होती. खरिपातही लागवड कमीच होती. अनेकांनी गणेशोत्सव, नवरात्रीच्या कालावधीत आवक किंवा काढणी होईल, या दृष्टीने लागवडीचे नियोजन केले होते. पण पावसाचा पिकास फटका बसला. उत्पादन कमी आले. .Watermelon Cultivation : खानदेशात कलिंगड लागवड सुरू.कलिंगडासाठी खानदेशात जामनेर, चोपडा, धुळ्यातील शिरपूर, नंदुरबारातील तळोदा व शहादा हा भाग प्रसिद्ध आहे. यात एकट्या जामनेरातील एकूण लागवड २००० ते २२०० हेक्टरवर राहील. जामनेरातील हिवरखेडा, पळासखेडा, हिंगणे, नेरी, जामनेर, सामरोद, गारखेडा, तोंडापूर व अन्य भागात कलिंगडाची लागवड करण्यात येते. .जळगाव जिल्ह्यात लागवड अधिक असणार आहे. खरिपात जुलै व ऑगस्ट या कालावधीत कलिंगडाची लागवड झाली होती. एकूण लागवड २०० हेक्टरपेक्षा अधिक झाली होती. रब्बीत लागवड अधिक असते. त्यात आगाप लागवड या महिन्यात केली जाते. .Watermelon Cultivation : आगाप कलिंगड लागवड सुरू होणार.जानेवारीत काढणीचे नियोजनखानदेशातील कलिंगड लागवड स्थिर राहणार आहे. काही शेतकऱ्यांनी जानेवारीतच काढणी होईल, या दृष्टीने नियोजन केले आहे. लागवड जळगाव जिल्ह्यातील जामनेर, चोपडा, जळगाव, धुळ्यातील धुळे, नंदुबारातील शहादा, तळोदा होत आहे. अन्य भागात मात्र लागवड अनेकांनी टाळली आहे. .आतापर्यंत खानदेशात मिळून ५०० हेक्टरवर कलिंगड लागवड झाल्याचा अंदाज आहे. ही लागवड पुढील महिन्यातही काही शेतकरी करतील. लागवड आता पुढील एप्रिलपर्यंत सुरू राहील. रब्बीतील कलिंगडाची लागवड या महिन्यात १२०० ते १३०० हेक्टरवर होईल. तर पुढील महिन्यातील लागवड अधिक राहील, अशी माहिती मिळाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
