Agri Crisis : जळगाव खानदेशात यंदा कलिंगडाची लागवड कमी झाली आहे. मागील हंगामात उन्हाळ्यात मिळालेले कमी दर तसेच यंदाचे विषम वातावरण याचा पिकाला फटका बसला आहे. त्यामुळे खरिपातील कलिंगड लागवडीपासून काही शेतकरी दूर राहिले असून, काहींनी लागवड क्षेत्र कमी केले आहे..कलिंगड लागवडीसाठी खानदेशात जळगाव जिल्ह्यातील चोपडा, यावल, मुक्ताईनगर, जळगाव, तसेच धुळे जिल्ह्यातील शिरपूर आणि धुळे हे भाग प्रसिद्ध आहेत. दरवर्षी दोन हंगामांत कलिंगडाची लागवड केली जाते. रब्बीत नोव्हेंबर, डिसेंबर आणि जानेवारीमध्ये, तर खरिपात जुलै आणि ऑगस्टमध्ये लागवड होते. अनेक शेतकरी केळी पिकात आंतरपीक म्हणून कलिंगड घेतात. रब्बीत काही शेतकरी कापूस काढल्यानंतर त्याच क्षेत्रात कलिंगडाची लागवड करतात..Kharif Watermelon Cultivation: खरिपात कलिंगड लागवड कमीच.मागील हंगामात डिसेंबर किंवा जानेवारीच्या सुरुवातीला लागवड केलेल्या अनेक शेतकऱ्यांना कलिंगडाला बऱ्यापैकी दर मिळाला होता. मात्र, उन्हाळी हंगामात दरात मोठी घसरण झाली..उन्हाळी हंगामास फटकाउन्हाळ्यात लागवड केलेल्या कलिंगडाला अपेक्षित दर मिळाले नाहीत. मागील वर्षी शेतावर सरासरी सहा रुपये प्रतिकिलो दर मिळाला होता. तसेच विषम वातावरणामुळे काही शेतकऱ्यांना नुकसान सहन करावे लागले. त्यामुळे यंदा खरिपात काही शेतकऱ्यांनी कलिंगड लागवडीचे नियोजन टाळले, तर काहींनी क्षेत्र कमी केले. त्यामुळे यंदा खानदेशातील खरिपातील कलिंगडाचे क्षेत्र सुमारे २०० हेक्टरवर राहिले आहे. त्यापैकी चोपडा, जळगाव आणि जामनेर तालुक्यांत सुमारे ८० हेक्टरवर खरिपातील कलिंगड पीक असल्याची माहिती आहे..Kharif Sesame: खरिपातील तीळ पेरणी अपेक्षेपेक्षा कमी.खर्च वाढलाकलिंगडाच्या उत्पादन खर्चातही वाढ झाली आहे. मल्चिंग पेपर, कीटकनाशके, खते तसेच बियाण्यांच्या दरात वाढ झाली आहे. या पिकाला दर चार दिवसांनी विद्राव्य खते आणि महागडी कीटकनाशके द्यावी लागतात. दुसरीकडे उत्पादनाला दराची हमी नसल्याने अनेक शेतकऱ्यांनी लागवड कमी केली आहे. त्यातच विषम वातावरणामुळे वेल खराब होणे, फळधारणा कमी होणे आदी समस्यांना सामोरे जावे लागत आहे..थंडी आणि उष्णतेचा सामनाकलिंगड हे नाजूक वेलवर्गीय पीक आहे. अतिपावसामुळे पिकाचे नुकसान होऊन उत्पादनात घट येऊ शकते. यंदा पाऊस कमी झाला असला, तरी सकाळी थंडी आणि दुपारी अतिउष्णता अशी स्थिती आहे. जामनेर आणि जळगाव भागात अनेक शेतकऱ्यांचे पीक फळधारणेपूर्वीच खराब झाले. लहान वेली वाळून गेल्याने शेतकऱ्यांना नुकसान सहन करावे लागले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
