Jalgaon News : खानदेशात यंदा ऑगस्टअखेरीस अनेक सिंचन प्रकल्पांतील जलसाठा वाढला आहे. मध्यंतरी पावसाचा खंड व उष्णताही होती. यामुळे जलसाठा स्थिर होता. आता पावसामुळे हा जलसाठा सर्वत्र वाढला आहे. .यातच प्रमुख प्रकल्पांत जलसंचय मागील काही दिवसांत झपाट्याने वाढला आहे. यामुळे टंचाईची समस्या कमी होईल, असे दिसत आहे. जळगाव जिल्ह्यातील सर्वांत महत्त्वाच्या चाळीसगावनजीकच्या गिरणा धरणातील जलसाठा जूनच्या सुरुवातीला २१ टक्के होता. तो आता ८८ टक्क्यांवर आला आहे. .Akola Water Storage : अकोल्यातील सर्वच प्रकल्प तुडुंब.या धरणाची साठवण क्षमता १८ टीएमसी आहे. हे धरण १०० टक्के न भरल्यास गिरणा पट्ट्यात टंचाईचे संकट तयार होते. यंदा हे धरण १०० टक्के भरेल, अशी अपेक्षा आहे.धुळ्यातील जलसाठाही वाढलाधुळे जिल्ह्यातील कमाल प्रकल्प भरत आहेत. फक्त जामखेली व अनेर प्रकल्प १०० टक्के भरले आहेत. मालनगाव, अमरावती, सोनवद, बुराई प्रकल्पांत आवक सुरू आहे. नंदुरबारमधील सुसरी प्रकल्पातही जलसाठा वाढला आहे. दरा व देहली प्रकल्पांतील जलसाठा ८० टक्क्यांवर आहे..Sangli Water Storage : सांगलीतील प्रकल्पांत ७३ टक्के पाणीसाठा.जळगाव जिल्ह्यात सध्या जामनेरातील तोंडापूर, वाघूर या प्रकल्पांतील जलसाठा संथ गतीने वाढत आहे. रावेरातील सुकी, अभोडा, यावलमधील मोर, गारबर्डी या प्रकल्पांतील जलसाठा ८० टक्क्यांवर आहे. मंगरूळ प्रकल्प १०० टक्के भरला आहे. पश्चिम भागातील मन्याड प्रकल्पही १०० टक्के भरला आहे. चाळीसगाव, भडगाव, पाचोरा भागात जलसंटक कमी होत आहे. गिरणा धरणातून यंदा रब्बीसाठी पाणी देण्यासंबंधी कार्यवाही होईल, याची शाश्वती तयार झाली आहे. .वाघूर, हतनूरमधून शेतीला मिळणार पाणीजामनेरातील वाघूर नदीवरील वाघूर धरण आणि तापी नदीवरील भुसावळ नजीकच्या हतनूर धरणातून रब्बीसाठी पाणी मिळेल. कारण यातील जलसाठा समाधानकारक आहे. हतनूरच्या मदतीने रावेर, यावल व चोपडा तालुक्यातील मिळून सुमारे सात ते साडेसात हजार हेक्टर क्षेत्राला लाभ झाला होणार आहे. तर वाघूरमधून भुसावळ व जळगाव तालुक्यातील सुमारे दोन हजार हेक्टर क्षेत्राला पाणी दिले जाणार आहे. हतनूरमधून यंदा जलसाठा नियंत्रणासाठी दोन महिन्यांपासून विसर्ग सुरू आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
