Khandesh Irrigation news: जळगाव : सातपुड्यालगतचे खानदेशातील विविध प्रकल्प यंदा १०० टक्के भरले आहेत. त्यातून विसर्ग या महिन्याच्या सुरुवातीलाही सुरू होता. परंतु प्रमुख प्रकल्पांतील पाण्याचा विसर्ग आता बंद झाला आहे..नंदुरबारमधील चिरडे, दरा, सुसरी, धुळ्यातील अनेर, जळगाव जिल्ह्यातील चोपड्यातील गूळ, यावलमधील सुकी, मोर, रावेरातील मंगरूळ, अभोडा आदी मध्यम प्रकल्पांमुळे अनेक केळी उत्पादक गावांना दिलासा मिळाला आहे. त्यातून विसर्ग या महिन्यातील सुरुवातीसही सुरू होता. हा विसर्ग आता बंद आहे. सातपुडालगतचा भाग सुपीक व काळ्या कसदार जमिनीचा आहे. पण या भागात मध्यंतरी कमी पावसाने शिवारातील जलसाठे कमी झाले होते. यंदा मात्र चांगला पाऊस झाल्याने जलसाठे मुबलक आहेत. .Irrigation Development: सिंचन अनुशेष निर्मूलनासाठी पाहिजे १६३९ कोटींचा निधी.खानदेशातील पश्चिम भागातही प्रकल्पही यंदा बऱ्यापैकी भरले आहेत. परंतु सातपुड्यातील सर्वच प्रकल्प मागील चार-पाच वर्षे भरले आहेत. यंदा शहाद्यातील चिरडे, दरा, सुसरी हे प्रकल्प १०० टक्के भरले. तसेच तळोद्यातील लघू प्रकल्प, तलावांतही मुबलक जलसाठा आहे. धुळ्यात शिरपूरमधील विविध प्रकल्पांतही साठा मुबलक आहे. त्यात शिरपूरमधील अनेर प्रकल्प १०० टक्के भरला आहे. जळगाव जिल्ह्यात चोपड्यातील सातपुडालगत गूळ व अन्य लघू प्रकल्प आहेत. रावेरमधील मंगरूळ, अभोडा, यावलमधील गारबर्डी किंवा सुकी, मोर या प्रकल्पांत जलसाठा १०० टक्के आहे. सुकी, मंगरूळ, अभोडा हे प्रकल्प मागील पाच-सहा वर्षे १०० टक्के भरले आहेत. यामुळे केळी व अन्य पिकांच्या सिंचनासाठी स्रोत उपलब्ध होतात. चोपड्यातील गूळ, शहाद्यातील सुसरी, दरा या प्रकल्पांत मागील वेळेसही जलसाठा होता. .Micro Irrigation: ‘प्रति थेंब अधिक पीक’ योजनेतून अनुदान.अनेक गावांना लाभशहाद्यातील ब्राह्मणपुरी, सुलतानपूर, गोगापूर, लोणखेडा, शिरपुरातील तोंदे, हिसाळे, तरडी, बभळाज, अजनाड, चोपड्यातील नारोद व लगतची गावे, यावलमधील न्हावी, वड्री आदी गावे, रावेरातील मंगरुळ, पिंप्री, केऱ्हाळा बुद्रुक, केऱ्हाळा खुर्द, भोकरी, अहिरवाडी, कर्जोद, तामसवाडी, वाघोड, पुनखेडा, बोरखेडा, पातोंडी आदी गावांना सातपुड्यातील प्रकल्पांचा फायदा होतो. या गावांतील भूगर्भातील पातळी वाढून तेथील विहिरी कूपनलिकांची पातळी वाढण्यास मदत होते..ठळक बाबी सातपुड्यातील नद्या प्रवाही राहिल्याने किनाऱ्यावर आणि परिसरात असलेल्या गावांच्या भूगर्भातील पाणीपातळी उंचावण्यास मदतसातपुड्याच्या पट्ट्यात आणि मध्य प्रदेशातील या नदीच्या उगमस्थळी पाऊस झाल्यास सातपुड्यातील व लगतचे प्रकल्प भरतातयंदाही ऑगस्टमध्ये काही प्रकल्प १०० टक्के भरून ओसंडून वाहू लागले होते. या भागातील सर्व प्रकल्प केळी पट्ट्यासाठी महत्त्वाचे आहेत.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
