Jalgaon News: खानदेशात या महिन्यात सिंचन प्रकल्पांतील जलसाठा घटला आहे. याच महिन्यात गिरणा धरणातून नदीत टंचाई निवारणार्थ पाणी सोडण्यात आले आहे. खानदेशातील एकूण जलसाठा सध्या ६८ टक्के एवढा आहे. जळगाव जिल्ह्यातील गिरणा, हतनूर व वाघूर या सिंचन प्रकल्पांतून पाण्याचा मोठा उपयोग पिण्यासह, उद्योगांसाठी होत आहे. .मध्यंतरी पांझरा प्रकल्पाचे पाणी नदीत सोडून साक्री, धुळे, अमळनेरातील टंचाई दूर करण्याची मागणी करण्यात आली होती. गिरणा नदीतूनही तीन वेळेस नदीत पाणी सोडण्यात येते. यातील पहिले आवर्तन नदीत सोडण्यात आले आहे. खानदेशात चांगला पाऊस होता. नंदुरबार व धुळ्यात २० टक्के अधिक पाऊस झाला..Water Scarcity: नाशिक जिल्ह्यात १०८४ गावांमध्ये संभाव्य टंचाई .धुळ्यात वर्षभरात ५६५ मिलिमीटर पाऊस पडतो. नंदुरबारात ८५४ मिलिमीटर दर जळगाव जिल्ह्यात ६५१ मिलिमीटर पाऊसमान आहे. जळगाव जिल्ह्यातही सुमारे ३० टक्के अधिक पाऊस झाला. अनेक भागात चांगला पाऊस झाला. सातपुडा पर्वत भागातील सर्व प्रकल्प १०० टक्के भरले होते. पण या महिन्यात पाण्याचा वापर वाढल्याने जळगावसह धुळे, नंदुरबारातील सर्वच प्रकल्पांतील जलसाठाही काहीसा घटला आहे..गिरणातील जलसाठा घटलाजळगाव जिल्ह्यातील सर्वात मोठ्या गिरणा नदीवरील चाळीसगावनजीकच्या गिरणा धरणातील जलसाठा ६७ टक्क्यांवर आला आहे. या धरणाची साठवण क्षमता १८ टीएमसी असून, यंदा हे धरण १०० टक्के भरले होते. मागील चार वर्षे त्यात १०० टक्के जलसाठा राहिला आहे. जळगाव जिल्ह्यातील पाचोरा, चाळीसगाव, भडगाव, धरणगाव, एरंडोल या तालुक्यांना त्याचा मोठा लाभ होतो..Solapur Water Stock : सात मध्यम प्रकल्पांत ८० टक्के पाणीसाठा.२१ हजार हेक्टरवरील रब्बीसही त्यातून पाणी दिले जाते. तसेच टंचाई दूर करण्यासाठी नदीत तीन वेळेस आवर्तन सोडण्यात येते. चाळीसगाव, पाचोरा व भडगाव नाशिकमधील मनमाड या शहरांसह मालेगाव औद्योगिक वसाहतीसही या धरणातून पाणी दिले जाते..जळगावातील विविध प्रकल्पांतील जलसाठा (टक्केवारी)हतनूर ७६, गिरणा ६७, वाघूर ६९, सुकी ८१, अभोडा ९०, मंगरूळ ८३, मोर ७६, अग्नावती ७५, हिवरा ७८, बहुळा ७६, तोंडापूर ७९, अंजनी ७४ . तसेच भोकरबारी, बोरी मन्याड या जळगाव जिल्ह्यातील पश्चिम भागातील प्रकल्पांतील जलसाठाही ७० टक्क्यांवर आहे. पण त्यातील पाण्याचा वापर पुढे उष्णता वाढणार असल्याने वाढणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
