Jalgaon News: खानदेशात रब्बी हंगामासाठी पुढील आठवड्यात गिरणा, वाघूर, हतनूर या प्रकल्पांतून पाणी मिळणार आहे. रब्बी हंगामातील पिकांची पेरणी काही भागात झाली आहे. कृत्रीम जलसाठाधारकांनी सिंचन केले. .पण सिंचन प्रकल्पांवर अवलंबून क्षेत्रात याच महिन्यात पेरणी सुरू झाली आहे. त्यासाठी यंदा गिरणासह अन्य सिंचन प्रकल्पांतून सिंचनासाठी तीन वेळेस पाणी मिळेल. त्याबाबत नुकतीच प्रशासनाने बैठक घेऊन नियोजन केले..Agriculture irrigation: रब्बीसाठी पाण्याकरिता शेतकऱ्यांनी रविवारपर्यंत मागणी अर्ज करावा.गिरणा धरणातून मागील हंगामातही रब्बीला पाणी मिळाले होते. यंदा हे धरण १०० टक्के भरले आहे. यामुळे गिरणा पट्ट्यातील २१ हजार हेक्टरला या धरणातून पाणी मिळेल. तसेच जळगाव जिल्ह्यात हतनूर, वाघूर, धुळ्यात अनेर, पांझरा या प्रकल्पांतूनही रब्बीस पाणी मिळेल. गिरणा धरणाचा लाभ जळगाव जिल्ह्यातील चाळीसगाव, पाचोरा, भडगाव, एरंडोल, धरणगाव या भागास आहे. वाघूरचा लाभ जळगाव व भुसावळ तालुक्यास आहे. हतनूर धरणाचा लाभ यावल, रावेर व चोपडा तालुक्यास आहे. हे सर्व प्रकल्प यंदा १०० टक्के भरले होते. त्यातून नोव्हेंबरमध्येही पाण्याचा विसर्ग सुरू होता..Agriculture Irrigation : शेतशिवारात उष्णतेमुळे सिंचनाची लगबग.धरणांच्या लाभक्षेत्रात हरभरा, दादर ज्वारी, मका, भाजीपाला पिके, कांदा, सोयाबीनची पेरणी सुरू आहे. रब्बी हंगामात यंदा खानदेशात सुमारे १०० ते ११० टक्के पेरणी होईल. अशी अपेक्षा आहे. तसेच सोयाबीन पेरणीचेही नियोजन अनेकांनी केले आहे. रब्बीत मका, गहू, ज्वारी यांची पेरणीदेखील धरणक्षेत्रात सुरू आहे. यंदा नोव्हेंबरच्या मध्यात रब्बीची पेऱणी सुरू झाली. कारण पावसाने पेरणीत अडचणी आल्या..कापसावर मक्याचे नियोजनकापूस पीक घेऊन त्यात मक्याची लागवड सुरू आहे. काहींनी हरभरा, गहू पेरणी केली आहे. पूर्वहंगामी कापूस पिकाखालील क्षेत्र रिकामे केले जात आहे. अनेक शेतकरी ऑक्टोबरच्या अखेरिस कापसाखालील क्षेत्र रिकामे करीत होते. त्यातही पेरणी झाली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
