Jalgaon News: परतीचा पाऊस न पडल्याने खानदेशातील विविध सिंचन प्रकल्पांतील पाण्याची आवक घटली आहे. यामुळे त्यातून पाण्याचा विसर्ग अल्प किंवा तोकडा आहे. खानदेशात सप्टेंबर महिन्यात अनेक भागांत दमदार पाऊस झाला. यामुळे शेतातील सखल भागात पाणीच पाणी झाले. नद्या, नाल्यांनाही पूर आला.. जळगाव जिल्ह्यात तापी नदीवरील भुसावळनजीकच्या हतनूर प्रकल्पात पाण्याची आवक वाढून विसर्ग वाढविण्यात आला. पुढे, तापी नदीवरील जळगावातील शेळगाव बॅरेज, धुळ्यातील सुलवाडे बॅरेज, नंदुरबारातील सारंगखेडा व प्रकाशा बॅरेजमधूनही विसर्ग सुरू करण्यात आला. .Dams Status: आवक घटल्याने प्रकल्पांची पाणीपातळी स्थिर.जळगावातील गिरणा, बहुळा, हिवरा, मन्याड, अग्नावती, अंजनी, तोंडापूर, वाघूर, बोरी या मध्यम प्रकल्पांतूनही विसर्ग सुरू करण्यात आला.. चाळीसगावनजीकच्या गिरणा धरणातही पाण्याची आवक वाढली. नागासाक्या व अन्य सिंचन प्रकल्पांतून गिरणा धरणात पाण्याचा प्रवाह वाढला. यामुळे गिरणा धरणाचे सहा दरवाजे उघडण्यात आले. यंदा दोनदा गिरणा प्रकल्पातून विसर्ग सुरू करण्यात आला. गिरणा धरणाच्या पाण्याद्वारे चाळीसगावातील बोरी कंकराज आदी प्रकल्पांचे पुनर्भरण करण्यात आले. .Irrigation Project: विदर्भ व तापी खोऱ्यातील सिंचन प्रकल्प वेगाने पूर्ण करा; गिरीश महाजनांचे आदेश.धुळ्यातील पांझरा, जामखेली या प्रकल्पांतूनही विसर्ग घटला आहे. तसेच शिरपुरातील अनेर, नंदुरबारात सुसरी, चिरडे, दरा, देहली या प्रकल्पांतही पाण्याची आवक बंद झाली आहे. यामुळे त्यातूनही विसर्ग काहीसा बंदच आहे. सिंचन प्रकल्पांतून पाण्याचा विसर्ग घटल्याने नद्याही प्रवाही नसल्याचे दिसत आहे. .जळगाव जिल्ह्यात वाघूर, तापी, कांग, वाघूर, अंजनी, गिरणा, भोकर, सुकी आदी नद्यांतील प्रवाही पाणी कमी दिसत आहे. धुळ्यातील अनेर, पांझरा, नंदुरबारातील सुसरी, गोमाई नदीसही प्रवाही पाणी आहे..परतीचा पाऊसच नाहीखानदेशात परतीचा पाऊस झालाच नाही. यामुळे या महिन्यात पाण्याचा सिंचन प्रकल्पांतील विसर्ग कमी झाला. हा विसर्ग काही प्रकल्पांतून बंद झाला. सध्या फक्त तापी नदीवरील हतनूर प्रकल्पातून विसर्ग सुरू आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
