Water Management: अहिल्यानगर जिल्ह्यातील मागील वर्षी सरासरीपेक्षा जास्त पाऊस झाल्याने तलावाची सर्वच तलाव भरले होते. तरी जिल्ह्यातील अनेक भागांत टँकरने पाणी देण्याची वेळ आली आहे. .मार्च महिन्यापासून डोंगराळ आणि पठारी भागाला पाणीटंचाई जाणवण्यास सुरुवात झाली. जिल्ह्यातील १४ गावे आणि ४७ वाड्या-वस्त्यांना ४० टँकरने ३० हजार लोकसंख्येला पाणीपुरवठा केला जात आहे. संगमनेर तालुक्यात सर्वाधिक १० गावे आणि २१ वाड्या-वस्त्यांचा यामध्ये समावेश आहे..Rural Water Crisis: रायगडाच्या पायथ्याशी जलसंकट.अहिल्यानगर जिल्ह्यातील पठारी भाग आणि डोंगराळ भागात दरवर्षी पाणीटंचाईला सामोरे जावे लागते. विशेषतः संगमनेर, नगर, पारनेर, अकोले तालुक्यातील गावे-वाड्या-वस्त्यांना टँकरने पाणीपुरवठा करावा लागत आहे. संगमनेर तालुक्यातील चंदनापुरी घाट परिसरातील डोंगरमाथ्यावरील गावाचे पाण्याचे उद्भव आटले आहेत. या गावांना टँकरने पाणीपुरवठा करावा लागत आहे..Sangli Water Crisis: सांगलीत सिंचन योजनांसह पिण्याच्या पाण्यात कपात.संगमनेर तालुक्यातील १० गावे आणि २१ वाड्या-वस्त्यांमधील १५ हजार ९४ लोकांना २४ टँकरने पाणीपुरवठा केला जात आहे. अकोले तालुक्यातील २ गावे आणि ६ वाड्या-वस्त्यांमधील १ हजार १७१ लोकांना ३ टँकरने पाणी पुरवठा केला जात होता. नगर तालुक्यातील इमामपूर आणि बहिरवाडी या दोन ठिकाणी पाणीटंचाई निर्माण झाली आहे. .एका टँकरने ४ हजार २०२ लोकसंख्येला पाणीपुरवठा केला जात आहे. पारनेर तालुक्यातील वाड्या-वस्त्यांना पाणीटंचाई जाणवत आहे. एक गाव आणि २० वाड्यांना टँकरने पाणीपुरवठा सुरू करण्यात आला आहे. ६ हजार २०२ लोकांसाठी १२ टँकरच्या खेपा केल्या जात आहेत. पारनेर नगरपालिका हद्दीतील ५ हजार लोकांना टँकरने पाणीपुरवठा सुरू करण्यात आला आहे. मे महिन्यात उन्हाची तीव्रता वाढल्यानंतर अधिक टँकरची गरज भासू शकते, अशी शक्यता प्रशासनाकडून व्यक्त केली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
