River Deepening: गेल्या वर्षी अहमदपूर तालुक्यातील विविध गावांमध्ये झालेल्या जलसंधारणाच्या कामांमुळे भूजल पातळी वाढण्यास मोठी मदत झाली आहे. याच धर्तीवर यंदाही मोठ्या प्रमाणावर नदी-नाले खोलीकरण आणि बॅरेज परिसरातील सरळीकरणाची कामे हाती घेतली जात आहेत. गावाच्या शिवारात पडणारे पाणी त्याच शिवारात अडवणे हा या मोहिमेचा मुख्य उद्देश असून, या कामासाठी लोकसहभाग आवश्यक असल्याचे राज्याचे सहकारमंत्री बाबासाहेब पाटील यांनी सांगितले..गुगदळ (ता. अहमदपूर) येथे नदी खोलीकरण व रुंदीकरणाच्या कामाच्या उद्घाटनप्रसंगी ते बोलत होते. मृद व जलसंधारण विभाग, नाम फाऊंडेशन, सिद्धी शुगर अँड अलाइड इंडस्ट्रीज आणि टाटा मोटर्स फाऊंडेशन यांच्या संयुक्त विद्यमाने प्रातिनिधिक स्वरूपात तालुक्यातील सात गावांमध्ये नदी व नाल्यांमधील गाळ काढण्याची मोहीम सुरू करण्यात आल्याचे पाटील यांनी यावेळी सांगितले..Water Conservation: लोकसहभागातून जलसंवर्धनाची चळवळ उभी करा : नितीन गडकरी.जिल्हाधिकारी डॉ. भारत बास्टेवाड, जिल्हा परिषदेचे उपाध्यक्ष दयानंद सुरवसे, समाजकल्याण सभापती उत्तम माने, जिल्हा परिषद सदस्य प्रफुल्लचंद्र गुंडरे, अश्विन नागराळे, भानुदास पोटे, तहसीलदार उज्ज्वला पांगारकर, लघु पाटबंधारे विभागाचे कार्यकारी अभियंता महेंद्र काळे, जिल्हा जलसंधारण अधिकारी जावेद पटेल, .Water Conservation Management: पाण्याचे दुर्भिक्ष कमी करण्यासाठी जलसंधारणाचे उपाय.गट विकास अधिकारी पंकज शेळके, सिद्धी शुगरचे कार्यकारी संचालक अविनाश जाधव, नाम फाऊंडेशनचे विलास चामे, टाटा मोटर्स फाऊंडेशनचे प्रमोद घायाळ व उत्तम सुरनर, चापोलीचे सरपंच भालचंद्र चाटे, हदगळचे सरपंच बाळासाहेब मुंठे यांच्यासह परिसरातील ग्रामस्थ व शेतकरी मोठ्या संख्येने उपस्थित होते. .भूजल पातळीत वाढ करण्यासाठी राज्य शासनाने जलसंधारणाच्या कामांना प्राधान्य दिले आहे. त्याचाच एक भाग म्हणून तालुक्यात ‘गाळमुक्त धरण, गाळयुक्त शिवार’ अभियान आणि जलतारा प्रकल्पांतर्गत नदी खोलीकरण, रुंदीकरण व सरळीकरणाची कामे हाती घेण्यात आली आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
