Farmers Income: वाशीम जिल्ह्यात तुती लागवडीपासून रेशीम उद्योग विकसित करण्यासाठी रेशीम संचालनालया (नागपूर)च्या वतीने विविध योजना राबविण्यात येत असून ‘महा रेशीम २०२६’ अभियानांतर्गत नवीन तुती लागवडीसाठी शेतकऱ्यांना प्रवृत्त करण्याचे काम युद्धपातळीवर सुरू आहे. जिल्ह्याला २०० एकरावर तुती लागवडीचे उद्दिष्ट घेण्यात आले आहे..रेशीम संचालनालयाच्या निर्देशानुसार, ज्या गावांमध्ये यापूर्वी तुती लागवड व रेशीम उद्योग सुरू आहे, त्या ठिकाणी विशेष शिबिरे घेऊन नवीन लाभार्थी तयार करण्यावर प्रशासनाचा भर आहे. तसेच लगतच्या गावांमध्येही जनजागृती करून अधिकाधिक शेतकऱ्यांना या उद्योगाकडे वळविण्याचे निर्देश देण्यात आले आहेत. या प्रक्रियेत पारदर्शकता आणण्यासाठी वस्त्रोद्योग विभागाच्या लोकसेवा हक्क अधिनियमांतर्गत ऑनलाइन अर्जाची सुविधा उपलब्ध करून देण्यात आली आहे. .Marathwada Mulberry Cultivation: मराठवाड्यात साडेअकरा हजार एकरांवर तुती लागवड.अर्ज करताना शेतकऱ्यांनी आधार कार्ड, सातबारा, ८-अ, सहीचा नमुना आणि तुती लागवड होणाऱ्या क्षेत्राचे छायाचित्र अपलोड करणे आवश्यक आहे. या नोंदणीसाठी ५५९ रुपये (जीएसटीसह) शुल्क ऑनलाइन भरावे लागते, ज्याची छाननी करून जिल्हा रेशीम अधिकारी मान्यता देतात..Mulberry Cultivation: सांगली जिल्ह्यात ५९३ एकरांवर तुती लागवड .जिल्ह्यातील सद्यःस्थितीचा विचार करता, सध्या ९० शेतकऱ्यांकडे १०४ एकर क्षेत्रावर तुती लागवड आहे. यामध्ये रिसोड तालुक्यात ४२ शेतकऱ्यांकडे ४५ एकर, वाशीम तालुक्यात १५ शेतकऱ्यांकडे १७ एकर, मालेगाव तालुक्यात १८ शेतकऱ्यांकडे २३ एकर, मंगरूळपीर तालुक्यात १० शेतकऱ्यांकडे १२ एकर, मानोरा तालुक्यात २ शेतकऱ्यांकडे ३ एकर आणि कारंजा तालुक्यात ३ शेतकऱ्यांकडे ४ एकर क्षेत्राचा समावेश आहे. सन २०२६-२७ या वर्षासाठी जिल्ह्याला २०० एकर लागवडीचा लक्षांक देण्यात आला असून आतापर्यंत २१ शेतकऱ्यांनी नोंदणी पूर्ण केली असल्याची माहिती जिल्हा रेशीम अधिकारी सुनील दत्त प्रभाकर फडके यांनी दिली आहे..१८९ गावांची निवडतुती लागवड, ठिबक सिंचन, संगोपन गृह आणि निर्जंतुकीकरण औषधांसाठी मिळून सुमारे ३ लाख ७५ हजार रुपयांपर्यंतचे अनुदान मिळते. याशिवाय, नानाजी देशमुख कृषी संजीवनी (पोकरा) योजनेच्या दुसऱ्या टप्प्यांतर्गत जिल्ह्यातील १८९ गावांची निवड करण्यात आली असून, तिथेही रेशीम योजना राबविली जात आहे. इच्छुक शेतकऱ्यांनी ग्राम विकास समितीकडे सहाय्यक कृषी अधिकारी यांच्यामार्फत अर्ज करून या योजनांचा लाभ घ्यावा, असे आवाहनही प्रशासनाने केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
