Kharif Cotton Season: यंदाच्या हंगामात भारतीय कापूस महामंडळामार्फत किमान आधारभूत किंमत योजनेअंतर्गत होणाऱ्या कापूस खरेदी प्रक्रियेवर आता स्थानिक निगराणी समित्यांचे लक्ष राहणार आहे. कापूस खरेदी प्रक्रिया पारदर्शक आणि प्रभावीपणे पार पाडण्यासाठी वाशीम जिल्ह्यातील चार खरेदी केंद्रांवर कायमस्वरूपी ‘स्थानिक निगराणी समिती’ स्थापन करण्यात आली आहे. जिल्हाधिकारी योगेश कुंभेजकर यांच्या मान्यतेने समिती स्थापनेचे आदेश जारी करण्यात आले आहेत..वाशीम जिल्ह्यात अनसिंग, मंगरुळपीर, कारंजा आणि मानोरा या चार ठिकाणी कापूस खरेदी केंद्रे निश्चित करण्यात आली आहेत. या केंद्रांवरील खरेदी प्रक्रियेवर समिती प्रत्यक्ष देखरेख ठेवणार आहे. कापूस विक्रीसाठी येणाऱ्या शेतकऱ्यांच्या अडचणी, नोंदणीतील समस्या तसेच प्राप्त तक्रारींचे निवारण करण्याची जबाबदारीही समितीवर राहणार आहे..Cotton MSP Procurement: ओलाव्यात अडकली कापुस खरेदी; ओलावा जास्त असल्याने कमी भावात कापुस विकण्याची वेळ.संबंधित तालुक्याचे निवासी नायब तहसीलदार समितीचे अध्यक्ष राहतील. सहायक निबंधक, सहकारी संस्था हे सदस्य सचिव असतील. तालुका कृषी अधिकारी, भारतीय कपास निगम लिमिटेडच्या अकोला शाखेकडील नियुक्त केंद्र प्रमुख आणि संबंधित कृषी उत्पन्न बाजार समितीचे सचिव हे समितीचे सदस्य असतील. .Cotton MSP Procurement: कापसाची हमीभावाने एक ऑक्टोबरपासून खरेदी.कापूस खरेदी प्रक्रियेत शेतकऱ्यांना येणाऱ्या अडचणी तातडीने दूर करण्यासाठी समिती काम करणार आहे. तसेच ‘कपास किसान ॲप’द्वारे शेतकऱ्यांच्या नोंदणीतील अडचणी सोडविणे आणि या ॲपबाबत व्यापक जनजागृती करण्याची जबाबदारी समितीवर सोपविण्यात आली आहे. शेतकऱ्यांच्या तक्रारींच्या निवारणासाठी हेल्पलाइन किंवा व्हॉट्सॲप क्रमांक उपलब्ध करून देण्याची कार्यवाहीही समिती करणार आहे..दरमहा घेणार आढावास्थानिक निगराणी समितीच्या दरमहा बैठका घेण्यात येणार असून, खरेदी प्रक्रियेचा आढावा घेऊन वरिष्ठ कार्यालयाशी समन्वय साधला जाणार आहे. समितीमार्फत खरेदी प्रक्रियेबाबत अहवालही सादर केला जाणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
