Palghar News: दिल्ली हाटच्या धर्तीवर पालघर जिल्ह्यातील आदिवासी संस्कृती, हस्तकला, प्रथा आणि परंपरांच्या संवर्धनासाठी मुंबई-अहमदाबाद महामार्गालगतच्या नांदगावात ५७ कोटी खर्चून आकार घेत असलेल्या वारली हाट कलादालन प्रकल्पाची राखडपट्टी सुरूच आहे. डिसेंबर २०२२ मध्ये दोन वर्षांच्या मुदतवाढ कालावधी संपल्यानंतरही वारंवार मुदतवाढ दिली जात आहे. पाच वर्षांनंतरही हा प्रकल्प अजूनही अपूर्ण अवस्थेत आहे..पालघर जिल्ह्यामध्ये वारली समाजाच्या विविध सांस्कृतिक प्रथा परंपरांचे संगोपन आणि संवर्धनासाठी स्थानिक स्तरावर या संस्कृतीचे कलादालन निर्माण करण्याच्या दृष्टीने वारली हाट प्रकल्प उभारण्यात येत आहे. आदिवासींच्या दैनंदिन जीवनाशी निगडित वस्तूंचे संग्रहालय, हस्तकलेच्या वस्तूंचे उत्पादन प्रदर्शन आणि विक्रीसाठी या ठिकाणी कलादालन निर्माण केले जात आहे. त्यामुळे स्थानिकांच्या कलागुणांना वाव मिळणार असून त्यांनी निर्माण केलेल्या वस्तूंसाठी योग्य भावाची बाजारपेठ उपलब्ध होणार आहे. या प्रकल्पातील सर्वच इमारतींच्या भिंतींच्या बांधकामासाठी लाल रंगाच्या गोधरा विटा वापरण्यात आल्या आहेत..Wheat stocks : देशात गव्हाचा साठा घटला ?.दोन वर्षांत बांधकाम पूर्ण केले जाणार होते; परंतु कोरोनामुळे वारली हाटच्या कामाला ३१ डिसेंबर २०२२पर्यंत मुदतवाढ दिली. त्यानंतर एक-एक वर्षाची वाढ दिली जात आहे. डिसेंबरमध्ये मुदतवाढ कालावधीत संपणार आहे. ५७ कोटींपैकी ३५ कोटी मिळाले आहेत, उर्वरित रकमेची प्रतीक्षा आहे. निधीसाठी आदिवासी विकास विभागाकडे सार्वजनिक बांधकाम विभागाकडून पाठपुरावा सुरू आहे..८० टक्के काम पूर्णमार्चमध्ये बांधकाम, विद्युतीकरण, पथदिवे, सजावट आणि पाणीपुरवठा आदी कामे पूर्ण केल्यानंतर हा प्रकल्प आदिवासी विकास विभागाकडे सोपवला जाईल. सध्या८० टक्के काम पूर्ण झाले आहे. उर्वरित कामासाठी निधी उपलब्ध होत नसल्याने प्रकल्प अपूर्ण आहे..Umed Mall : बचत गटांसाठी हक्काचे व्यासपीठ, राज्यभर १० नवीन मॉल्स उभारणार.५७ कोटींचा निधीनांदगावतर्फे मनोर गावात पाच एकर जागेत वारली हाट प्रकल्प आकार घेत आहे. आदिवासी विकास विभागाकडून पालघर तालुक्यात आदिवासी संस्कृती आणि कौशल्ये आणि हस्तकलांना वाव देण्यासाठी वारली हाट कलादालन प्रकल्पाची उभारणी केली जात आहे. केंद्र सरकार आणि राज्याच्या आदिवासी विकास विभागाकडून वारली हाटच्या बांधकामासाठी ५७ कोटींचे अंदाजपत्रकीय रक्कम मंजूर करण्यात आली आहे..या सुविधा असणार...वारली हाट कलादालन प्रकल्पात ६६ व्यावसायिक गाळे, सात प्रदर्शन सभागृह, एक कॉन्फरन्स हॉल, दोन कार्यशाळा, आठ डायनिंग हट, दोन एटीएम मशीन, एक ॲम्पी थिएटर आणि एक ओपन स्टेज, तर दोन वाचनालये आणि दोन प्रतीक्षा कक्ष असणार आहे. ॲम्पी थिएटरलगत चार मजली इमारतीच्या तळमजल्यावर कार्यालय, वरचे दोन मजले हॉटेल आणि चौथ्या मजल्यावर कर्मचाऱ्यांच्या राहण्याची व्यवस्था असणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
