Agriculture Sector Scam: सेलू तालुक्यातील शेतकरी जिनिंग व प्रेसिंग सहकारी संस्थेच्या मालमत्तेच्या विक्रीत मोठा गैरव्यवहार झाल्याचा प्रकार उघडकीस आला आहे. शासनाने निश्चित केलेल्या मर्यादेपेक्षा अधिक क्षेत्रफळाची आणि बाजारभावापेक्षा कमी दरात मालमत्ता विक्री करून संस्थेला लाखो रुपयांचा फटका बसल्याचा आरोप आहे. या प्रकरणी अध्यक्षांसह चार जणांविरुद्ध फसवणुकीचा गुन्हा दाखल करण्यात आला असून सर्व आरोपी सध्या फरार आहेत..तक्रारदार सुरेश जयस्वाल यांनी दिलेल्या माहितीनुसार, गेल्या अडीच वर्षांपासून या व्यवहाराबाबत सातत्याने पाठपुरावा करण्यात येत होता. त्यानंतर विशेष लेखापरीक्षण अहवालाच्या आधारे पोलिसांत तक्रार दाखल करण्यात आली. त्यानुसार तत्कालीन संस्थाध्यक्ष राजेंद्र रामसुखजी मिश्रा, संचालक गणपत रामराव बांदिले, वसंतराव जगोबा तेलरांधे आणि मुरलीधर भाऊराव ठाकरे यांच्यावर गुन्हा नोंद झाला आहे..Krushi Mitra Recruitment Scam: ‘कृषिमित्र’ नावाखाली बोगस भरतीचे पेव.मंजुरीपेक्षा जास्त क्षेत्रफळाची विक्रीमिळालेल्या माहितीनुसार, शासनाच्या आदेशानुसार संस्थेकडे एकूण सुमारे ५७०.९९ चौ.मी. मालमत्ता विक्रीस पात्र होती. यात ३५२.६५ चौ.मी. खुली जागा आणि २०४.५५ चौ.मी. बांधकाम समाविष्ट होते. मात्र प्रत्यक्ष व्यवहारात ७५०० चौ.मी. पेक्षा अधिक क्षेत्रफळाची विक्री केल्याचे प्राथमिक तपासात समोर आले आहे..Cashew Theft Case: ‘काजू चोरी प्रकरणात व्यापाऱ्यांना त्रास देऊ नका’.बाजारभावापेक्षा कमी दरात व्यवहारमालमत्तेचे मूल्यांकन वेगवेगळ्या विभागांकडून करण्यात आले असतानाही, व्यवहार बाजारभावापेक्षा कमी दरात करण्यात आल्याचा संशय व्यक्त होत आहे. विक्री प्रक्रियेत कोट्यवधींचा गैरव्यवहार झाल्याची चर्चा असून मुद्रांक शुल्कही कमी भरल्याचे निदर्शनास आले आहे..खरेदीदारावर कारवाई नाहीया प्रकरणात संस्थाध्यक्ष, संचालक व माजी व्यवस्थापकांवर गुन्हा दाखल झाला असला तरी मालमत्ता खरेदी करणाऱ्या व्यक्तीवर अद्याप कोणतीही कारवाई झालेली नाही. संबंधित मालमत्ता यवतमाळ येथील एका व्यक्तीच्या नावावर खरेदी करण्यात आल्याचे समोर आले आहे. या संपूर्ण प्रकरणामुळे सेलू तालुक्यात खळबळ उडाली असून सहकारी संस्थांच्या व्यवहारातील पारदर्शकतेबाबत पुन्हा प्रश्नचिन्ह निर्माण झाले आहे. पुढील तपास पोलीस करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
