राज्यातील २४ नगरपरिषदा, नगरपंचायती, १५४ सदस्यपदाच्या जागांसाठी आज मतदानसकाळी ७.३० वाजता मतदानाला सुरुवात सायंकाळी ५.३० पर्यंत मतदानाची वेळमतमोजणी २१ डिसेंबर २०२५ रोजी होईल.Nagar Parishad And Nagar Panchayat Elections: राज्यातील २६४ नगरपरिषदा आणि नगरपंचायतींसाठी २ डिसेंबर रोजी मतदान पार पडले होते. उर्वरित २४ नगरपरिषदा, नगरपंचायती आणि १५४ सदस्यपदाच्या जागांसाठी आज २० डिसेंबर रोजी मतदान होत आहे. त्यासाठी सकाळी ७.३० वाजता मतदानाला सुरुवात झाली. सायंकाळी ५.३० पर्यंत मतदानाची वेळ आहे. यासाठी मतमोजणी २१ डिसेंबर २०२५ रोजी होईल..आज ज्या ठिकाणी मतदान होत आहे; त्यात २४ नगरपरिषदा आणि नगरपंचायतींच्या अध्यक्षपदांसह सर्व सदस्य आणि ७६ नगरपरिषदा आणि नगरपंचायतींमधील १५४ सदस्यपदांच्या जागांचा समावेश आहे. नगरपरिषदा आणि नगरपंचायतींच्या सार्वत्रिक निवडणुकीत निवडणूक निर्णय अधिकाऱ्यांच्या निर्णयाविरुद्ध जिल्हा न्यायालयात अपील झालेल्या प्रकरणांसंदर्भात २३ नोव्हेंबर २०२५ अथवा त्यानंतर निर्णय आलेल्या आणि विविध ठिकाणच्या १५४ सदस्यपदांच्या जागांसाठी हे मतदान होत आहे..Local Body Elections: बारामतीत नगर परिषद निवडणुकीसाठी प्रशासनाकडून जय्यत तयारी.'या' ठिकाणी आज मतदानअध्यक्षपदांसह सर्व सदस्यपदांसाठी निवडणूक होत असलेल्या २४ नगरपरिषदा आणि नगरपंचायतींची जिल्हानिहाय नावे: ठाणे- अंबरनाथ. अहिल्यानगर- कोपरगाव, देवळालीप्रवरा, पाथर्डी आणि नेवासा. पुणे- बारामती, फुरसुंगी उरुळी देवाची. सोलापूर- अनगर, मंगळवेढा, सातारा- महाबळेश्वर, फलटण. छत्रपती संभाजीनगर- फुलंब्री. नांदेड- मुखेड, धर्माबाद. लातूर- निलंगा, रेणापूर. हिंगोली- वसमत. अमरावती- अंजनगाव सूर्जी. अकोला- बाळापूर. यवतमाळ- यवतमाळ. वाशीम- वाशीम. बुलढाणा- देऊळगावराजा. वर्धा- देवळी. चंद्रपूर- घुग्घूस.या सर्व जागा तसेच २ डिसेंबरला मतदान झालेल्या ठिकाणांची एकत्रित मतमोजणी रविवारी होणार आहे. .Local Body Election: वाढीव मतांचा टक्का कुणाच्या पथ्यावर?.सर्व २८८ नगरपरिषदा आणि नगरपंचायतींचा २१ डिसेंबरला निकालराज्यातील सर्व २८८ नगरपरिषदा आणि नगरपंचायतींची मतमोजणी २१ डिसेंबर २०२५ रोजी करण्याचा आदेश मुंबई उच्च न्यायालयाच्या नागपूर खंडपीठाने दिला होता. त्याचबरोबर मतदानोत्तर चाचण्यांचे निष्कर्षही २० डिसेंबर २०२५ रोजी मतदान संपण्याच्या अर्ध्या तासापर्यंत जाहीर करता येणार नाहीत, असेही न्यायालयाच्या आदेशात नमूद केले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
