Leopard Movement: देवळा तालुक्यातील विठेवाडी, झिरेपिंपळ तसेच वसंतदादा सहकारी साखर कारखाना परिसरातील शिवारात गेल्या काही दिवसांपासून बिबट्यांचा वावर वाढला आहे. विठेवाडी परिसरात रविवारी (ता. २९) सायंकाळी घराबाहेर खाटेवर बसलेल्या वृद्ध महिलेवर बिबट्याने अचानक हल्ला केला. या हल्ल्यात जनाबाई पोपट निकम (वय अंदाजे ७०) यांच्या पाठीवर बिबट्याच्या पंजाने ओरखडे पडून त्या जखमी झाल्या. त्यांच्या आरडाओरडामुळे कुटुंबीय व शेजारी धावून आल्याने बिबट्याने तेथून पळ काढला..आहेर वस्तीच्या उत्तरेस पोपट राखो निकम यांच्या मुलाच्या घराबाहेर जनाबाई निकम सायंकाळी सातच्या सुमारास खाटेवर आराम करत होत्या. त्याच वेळी पाठीमागून आलेल्या बिबट्याने त्यांच्यावर झडप घातली. अचानक झालेल्या हल्ल्यामुळे त्यांनी आरडाओरड केली. आवाज ऐकून घरातील व्यक्ती तसेच शेजारी घटनास्थळी धावून आल्याने पुढील हल्ला टळला. जखमी जनाबाई निकम यांना तातडीने कळवण येथील ग्रामीण रुग्णालयात दाखल करण्यात आले. त्यांच्या पाठीवर खोल जखमा झाल्या असून, त्यांच्यावर उपचार सुरू आहेत..Leopard Roar: गुणोरे परिसरात बिबट्याचा धुमाकूळ.चार दिवसांत दोन घटनाया घटनेच्या अवघ्या चार दिवसांपूर्वी आहेर वस्ती परिसरातील सोनवणे वस्तीला लागून असलेल्या त्र्यंबक धोंडू निकम यांच्या मळ्यातील शेडमध्ये बांधलेल्या बकरीवर बिबट्याने हल्ला केला होता. बकरीचे लचके तोडून बिबट्या पसार झाला होता. दरम्यान, हल्ल्याच्या घटनेनंतर वन विभागाच्या कर्मचाऱ्यांना माहिती देण्यात आली. त्यानंतर वन विभागाचे कर्मचारी हरी आहिरे यांनी सामाजिक कार्यकर्ते कुबेर जाधव यांच्यासोबत घटनास्थळी पाहणी करून पंचनामा केला. घटनास्थळी बिबट्याच्या पायांचे ठसेही आढळून आले..Leopard Roar: श्रीरामपूर तालुक्यात बिबट्याचा धुमाकूळ सुरूच.शेतकरी, महिला व मजुरांमध्ये भीतीचे वातावरणसध्या परिसरात मोठ्या प्रमाणावर मका पीक असल्याने बिबट्यांना लपण्यासाठी सुरक्षित आडोसा उपलब्ध झाला आहे. तसेच नदीकाठच्या भागातही त्यांचा वावर वाढला आहे. गेल्या दोन दिवसांत कुबेर जाधव यांच्या शेतालगत नदीकाठावरील बांबूच्या बेटात सकाळच्या वेळी बिबट्या झाडाखाली विसावलेला दिसून आल्याचे शेतकऱ्यांनी सांगितले. बिबट्यांचा वावर वाढल्याने शेतकरी, महिला व मजुरांमध्ये भीतीचे वातावरण निर्माण झाले आहे..सध्या दुष्काळसदृश परिस्थिती निर्माण झाल्याने वन्यप्राणी नदीकाठच्या भागात आश्रय घेत आहेत. परिसरात मोठ्या प्रमाणावर मका असल्याने बिबट्यांना लपण्यासाठी जागा मिळत आहे. त्यामुळे त्यांचा वावर वाढला आहे. तातडीने दोन ते तीन पिंजरे लावून वन विभागाचे दोन कर्मचारी कायमस्वरूपी तैनात करावेत.-कुबेर जाधव, शेतकरी व सामाजिक कार्यकर्ते, विठेवाडी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
