Cooperative Sugar Factory: विश्वासराव नाईक सहकारी साखर कारखान्याने यंदाच्या गळीत हंगामासाठी सहा लाख मेट्रिक टन ऊस गाळपाचे उद्दिष्ट ठेवले आहे. त्यासाठी कार्यक्षेत्रासह बाहेरील ८ हजार ९७९ हेक्टरवरील उसाची नोंदणी करण्यात आली असून, ऊसतोडणीसाठी यंत्रणा आणि मनुष्यबळाचे नियोजन पूर्ण केले आहे, अशी माहिती कार्यकारी संचालक अमोल पाटील यांनी दिली..गेल्या गळीत हंगामात कारखान्याने ४ लाख ३० हजार २३५ मेट्रिक टन उसाचे गाळप केले. सरासरी १२.२२ टक्के साखर उतारा मिळाला होता. प्रतिटन ३,४५० रुपये दर देण्यात आला होता. यंदाच्या गाळप हंगामासाठी कारखान्याच्या कार्यक्षेत्रातील ७ हजार २३४ हेक्टर, तर कार्यक्षेत्राबाहेरील १ हजार ७४५ हेक्टर क्षेत्रावरील उसाची नोंदणी झाली आहे. ऊसतोडणीसाठी दहा हार्वेस्टर मशीनच्या माध्यमातून ५० हजार मेट्रिक टन, तर ५ लाख ५० हजार मेट्रिक टन ऊस मजुरांच्या माध्यमातून तोडून आणण्याचे नियोजन केले आहे. दुष्काळी परिस्थितीमुळे धुळे, नंदुरबार, जळगाव, पुसद, बीड, जालना, जत आणि विजापूर परिसरातून ऊसतोडणी मजूर दाखल होत आहेत. शेतकऱ्यांचा मशीनद्वारे ऊसतोडणीकडील कल कमी झाला असून, मनुष्यबळाच्या माध्यमातून ऊसतोडणी करण्यास प्राधान्य दिले जात आहे..Sugarcane Crushing Target: ‘क्रांती’चे १३ लाख टन ऊस गाळपाचे उद्दिष्ट.गत हंगामात दिलेला दर : ३,४५० रुपयेगाळप : ४,३०,२३५ टनसरासरी साखर उतारा : १२.२२ टक्केयंदाचे गाळप उद्दिष्ट : ६,००,००० टननोंदणी झालेला ऊस : ८,९७९ हेक्टरकारखान्याने १ लाख लिटर क्षमतेचा आसवानी प्रकल्प उभारला आहे.लवकरच कॉम्प्रेस्ड बायोगॅस प्रकल्प सुरू करण्यात येणार आहे.हंगामासाठी घेतलेले कर्ज : ३३,८००.०० लाख रुपये.Sugarcane Rate Dispute: उसाला प्रतिटन ३,८५० रुपयांचा तोडगाही अमान्य; शेतकरी ५ हजारांवर ठाम.साखर कारखान्यांची आर्थिक स्थिती संमिश्र असून, अनेक कारखान्यांना कर्ज, व्याज आणि खेळत्या भांडवलाच्या अडचणींचा सामना करावा लागत आहे. एफ.आर.पी.ची थकबाकी कमी असली तरी वेळेवर ऊसदर देणे आव्हान आहे. दीर्घकालीन आर्थिक स्थैर्यासाठी खर्च नियंत्रण, पारदर्शक व्यवस्थापन आणि कर्जाची नियमित परतफेड आवश्यक आहे.- अमोल पाटील (कार्यकारी संचालक, विश्वास साखर).केंद्र सरकारने साखरेबरोबर इथेनॉलच्या दरात वाढ करून दोन्ही दर स्थिर ठेवल्याशिवाय अडचणीतील साखर कारखानदारी सुस्थितीत येणार नाही. सन २०२५-२६ च्या गळीत हंगामात कारखान्यास ऊसपुरवठा केलेल्या शेतकऱ्यांना प्रतिटन अर्धा किलो साखर दिवाळीत देण्यात येणार आहे.- मानसिंगराव नाईक (अध्यक्ष, विश्वास साखर).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
