Ghansawangi News: उसाच्या उत्पादन खर्चात दरवर्षी मोठी वाढ होऊनही हमीभाव मिळत नसल्यामुळे शेतकरी संघटनांकडून लढा सुरूच आहे. दरम्यान, घनसावंगी तालुक्यात कारखान्याचा गाळप हंगाम २०२५-२६ चा उसाचा अंतिम दर निश्चित करणे तसेच उसाला एफआरपीपेक्षा जास्त भाव देण्याच्या मागणीकरिता युवा शेतकरी संघर्ष समिती बैठका घेत आहे..ऊस उत्पादक शेतकऱ्यांची आर्थिक परिस्थिती दिवसेंदिवस कठीण होत चालली आहे. उत्पादन खर्चात प्रचंड वाढ, मजुरीचा दर, खतांच्या व कीटकनाशकांच्या किमतीत प्रचंड वाढ, तसेच पाणीटंचाईमुळे ऊस उत्पादन खर्च मोठ्या प्रमाणात वाढला आहे. .Sugarcane Price Protest: ऊस दरवाढीसाठी नांदेडात चक्का जाम आंदोलनाचा इशारा.त्यामुळे शेतकऱ्यांना गाळप हंगाम २०२५-२६ मध्ये गाळपासाठी आलेल्या उसाला केंद्र शासन व साखर आयुक्तालय यांनी ठरवून दिलेला ३ हजार ५५० रुपये प्रतिटन या प्रमाणे द्यावा. तसेच, गाळपास आलेल्या उसाचा पहिला हप्ता ३ हजार २०० रुपये टन ऊस तोडणीपासून १४ व्या दिवसाच्या आत देण्यात यावा. .Sugarcane Price: द्वारकाधीश साखर कारखान्याचापहिला हप्ता २९०० रुपये जाहीर.मागील गाळप हंगाम २०२४-२५ मधील एफआरपीची बाकी रक्कम लवकरात लवकर शेतकऱ्यांच्या खात्यावर वर्ग करण्यात यावी. कायम कामगारास वेतनवाढ हंगामाच्या सुरवातीस करावी, आदी मागण्यांसंदर्भात शेतकऱ्यांमध्ये जनजागृती करण्यात येत आहे. त्यानुसार तीव्र आंदोलन करण्याचा इशारा देण्यात आला आहे. ऊस उत्पादकांच्या नजरा कारखानदारांच्या निर्णयाकडे लागल्या आहेत..ऊसाच्या उत्पादन खर्चात दरवर्षी मोठी वाढ होते. त्या तुलनेत उसाला हमीभाव मिळत नाही. या विषयावरून शेतकरी युवा संघर्ष समितीच्या वतीने आंदोलन सुरू केले असून यंदा कारखान्यांनी सुरवातीलाच एफआरपीचा विचार करत ३ हजार ५०० रुपयांचा पहिला हप्ता जाहीर करावा, अशी आमची मागणी आहे- ज्ञानेश्वर उढाण, शेतकरी युवा संघर्ष समिती घनसावंगी..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
