Palghar News : विक्रमगड तालुक्यात भातपिकावर करपा आणि बगळ्या रोगाची लागण झाली आहे. यामुळे पिकाची पाने करपत चालली असून, भातशेती संकटात आली आहे. यावर उपाययोजना म्हणून पिकावर औषधांची फवारणी करावी व सामूहिकपणे कीड व्यवस्थापन करण्याचे आवाहन कृषी अधिकारी जगदीश दोंदे यांनी केले होते. .करपा व बगळ्या भातपीकांना रोगाची लागण झाल्यामुळे शेतकरी संकटात सापडला आहे. याबाबत कृषी विभागाने ८ सप्टेंबर रोजी मौजे वसुरी, करसूड, टेंभोली, तलवाडा या गावांत शेतावर जाऊन प्रत्यक्षात पाहणी केली. या वेळी स्वाती सहारे, पोलिस पाटील लिला लहू भोये, सहाय्यक कृषी अधिकारी आर. एस. बुंधे, सरपंच वनिता पागी यांची उपस्थिती होती..Paddy Pest Control: पिकावरील निळे भुंगेरे आणि खोडकीड : शेतकऱ्यांनी घ्यावयाची काळजी!.उत्पादनात घट?विक्रमगड व वाडा तालुका हा भाताच्या पिकासाठी प्रसिद्ध आहे. या दोन्ही तालुक्यांत जवळपास १२ ते १३ हजार हेक्टरवर भाताची लागवड करण्यात आली आहे, मात्र सततच्या पावसाने आणि ढगाळ वातावरणामुळे भातपिकावर परिणाम होऊन रोगाची लागण होत आहे. यामुळे भात उत्पादनात घट होण्याची शक्यता आहे. .Paddy Crop Damage: परिपक्व झालेले भातपीक नुकसानीच्या उबंरठ्यावर.विशेष म्हणजे, औषध फवारणीसाठी शेतकऱ्यांनी प्रयत्न केलेले असले तरी पावसामुळे औषधचा परिणाम दिसून आला नाही. युरिया हे रोगाला आमंत्रण असते, पण शेतकरी स्वस्त खत म्हणून युरियाचा वापर प्रमाणात करतो. त्यामुळे हे रोग आणखी बळावतात, असे कृषीरत्न अनिल पाटील यांनी म्हटले आहे..शेतकऱ्यांची बैठकक्रॉपसॅप योजनेअंतर्गत गावपातळीवर भातपिकावरील कीड व रोग याविषयी मार्गदर्शन करण्यासाठी शेतकऱ्यांची बैठक घेतली. कृषी विभागाच्या अधिकाऱ्यांनी गावातील शेतकऱ्यांना भातपिकावर आढळून येणाऱ्या किडी व विविध रोग, त्यापासून भातपिकास होणारे नुकसान कमी करण्यासाठी घ्यावयाची काळजी व त्याविषयी करावयाची एकात्मिक व्यवस्थापनात्मक उपाययोजनांविषयी मार्गदर्शन केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
