Orange Farming : विदर्भातील संत्रा उत्पादनाला नवसंजीवनी देण्यासाठी रोगमुक्त व दर्जेदार रोपांची निर्मिती ही काळाची गरज असून, संशोधन संस्था आणि रोपवाटिकांनी समन्वयाने काम केल्यास संत्रा विदर्भाच्या कृषी अर्थव्यवस्थेचा प्रमुख आधार ठरू शकतो, असा विश्वास केंद्रीय रस्ते वाहतूक व महामार्ग मंत्री नितीन गडकरी यांनी व्यक्त केला..भारतीय कृषी संशोधन परिषद (आयसीएआर) अंतर्गत केंद्रीय लिंबूवर्गीय फळ संशोधन संस्थेत ‘क्लीन प्लांट’ (रोगमुक्त रोपे) उपक्रमांतर्गत शनिवारी (ता. २५) आयोजित कार्यशाळेच्या उद्घाटन प्रसंगी ते बोलत होते. या वेळी मुख्य शास्त्रज्ञ डॉ. ए. के. दास, सुधीर दिवे, दिलीप घोष यांच्यासह विविध राज्यांतील अधिकारी, संशोधक व अभ्यासक उपस्थित होते. आसाम, छत्तीसगड, जम्मू-काश्मीर, मणिपूरसह १२ राज्यांतील प्रतिनिधींनी कार्यशाळेत सहभाग घेतला..Smart Farming: ‘स्मार्ट फार्मिंग’ हाच शाश्वत प्रगतीचा मार्ग.गडकरी म्हणाले, की विदर्भातील शेतीसमोरील पाणी व्यवस्थापन, मृदा परीक्षण यांसारख्या समस्या महत्त्वाच्या असल्या तरी उत्पादनक्षम आणि रोगमुक्त लागवड साहित्य उपलब्ध करून देणे हे अधिक निर्णायक ठरणार आहे. .Farming Challenges: वाढता ऊर्जा खर्च, स्थलांतराने वाढले जागतिक शेतीसमोरील संकट.शेतकऱ्यांना गुणवत्तापूर्ण रोपे उपलब्ध झाल्यास उत्पादनवाढीसह बागांचे आयुष्यही वाढेल. त्यामुळे संशोधन संस्थांनी विदर्भाच्या गरजा लक्षात घेऊन रोगमुक्त रोपांची निर्मिती, तंत्रज्ञान विकास आणि त्याचा प्रसार यावर अधिक भर द्यावा. सरकारी संस्थांनी शेतकरी आणि रोपवाटिका चालकांना प्रशिक्षण देऊन दर्जेदार रोपनिर्मितीची साखळी मजबूत करावी. .यामुळे कमी गुंतवणुकीत अधिक उत्पादन घेणे शक्य होईल, तसेच संत्रा उत्पादनाची गुणवत्ता आणि निर्यातक्षमतेतही वाढ होईल, असे त्यांनी नमूद केले. या वेळी महाराष्ट्रातील रोपवाटिका क्षेत्राला चालना देण्यासाठी करण्यात आलेल्या कायद्यातील सुधारणांचाही उल्लेख करण्यात आला. या सुधारणांमुळे प्रमाणित व गुणवत्तापूर्ण रोपांच्या उत्पादनाला अधिक प्रोत्साहन मिळेल, असा विश्वास उपस्थितांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
