Maharashtra Flood Situation: सलग तीन दिवसांपासून सुरू असलेल्या मुसळधार पावसाने विदर्भाला झोडपून काढले आहे. पूर्व आणि पश्चिम विदर्भातील बहुतांश जिल्ह्यांत अतिवृष्टी झाल्याने पूरस्थिती गंभीर बनली आहे. अनेक गावांचा संपर्क तुटला असून हजारो हेक्टरवरील पिके पाण्याखाली गेली आहेत. बुलडाणा जिल्ह्यातील जळगाव जामोद तालुक्यात सर्वाधिक २०७.४ मिलिमीटर पावसाची नोंद झाली. .गेल्या २४ तासांतील पावसाच्या नोंदीनुसार वर्धा जिल्ह्यात सर्वाधिक १६० मिलिमीटर, यवतमाळमध्ये १४२, बुलडाणा १२८, अमरावती १११, गडचिरोली ७६.८, नागपूर ५२.६, ब्रह्मपुरी ३५, चंद्रपूर २५ आणि गोंदिया ८ मिलिमीटर पाऊस झाला. यवतमाळ जिल्ह्यातील पाच पावसाच्या मंडलांत अतिवृष्टीची नोंद झाली..Maharashtra Heavy Rain: राज्यात सर्वदूर पाऊस, अमरावतीसह विदर्भात मुसळधारेने दाणादाण, अनेक गावांचा संपर्क तुटला.पश्चिम विदर्भातील अकोला, बुलडाणा आणि वाशीम जिल्ह्यांत सर्वदूर अतिवृष्टी झाली असून अनेक ठिकाणी ढगफुटीसदृश पाऊस झाला. बुलडाणा जिल्ह्यातील जळगाव जामोद तालुक्यात सर्वाधिक २०७.४ मिलिमीटर पावसाची नोंद झाली, तर अनेक पावसाच्या मंडलांत १०० ते २५५ मिलिमीटरपर्यंत पाऊस झाला..मुसळधार पावसामुळे बुलडाणा, अकोला आणि वाशीम जिल्ह्यांतील प्रमुख नद्या दुथडी भरून वाहत आहेत. बुलडाणा जिल्ह्यातील खेर्डा, काजेगाव आणि ईलोरा गावांतील घरांमध्ये पाणी शिरले आहे. ढगफुटीसदृश पावसामुळे हजारो हेक्टरवरील पिके पाण्याखाली गेली असून अनेक भागांतील वीजपुरवठा खंडित झाला आहे. नाल्याच्या पुरात वाहून गेल्याने एका व्यक्तीचा मृत्यू झाला आहे. वाशीम जिल्ह्यातील अनेक पावसाच्या मंडलांत १०० मिलिमीटरपेक्षा अधिक पावसाची नोंद झाली..Heavy Rain: जम्मू-काश्मीर, हिमाचल, उत्तराखंड, राजस्थानात मुसळधार पाऊस.विदर्भातील पूरस्थितीची गंभीर दखल घेत उपमुख्यमंत्री सुनेत्रा पवार यांनी अमरावतीचे जिल्हाधिकारी आशिष येरेकर यांच्याशी दूरध्वनीवरून संपर्क साधून परिस्थितीचा आढावा घेतला..पुराच्या पाण्यात कार वाहून तिघींचा मृत्यूयवतमाळ जिल्ह्यातील दारव्हा तालुक्यातील कुपटी येथील नदीवरील पुलावरून पाणी वाहत असताना आर्णी तालुक्यातील लोणी येथील अविनाश नामदेव खंडारे हे पत्नी आणि दोन मुलींसह कारने जात होते. पुराच्या पाण्याच्या प्रवाहाचा अंदाज न आल्याने कार वाहून गेली. या दुर्घटनेत माधवी खंडारे (४०), प्राची खंडारे (१७) आणि साची खंडारे (१२) यांचा मृत्यू झाला. अविनाश खंडारे यांनी झाडाचा आधार घेत स्वतःचा जीव वाचविला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
