Chandrapur News: कापूस हे विदर्भातील शेतकऱ्यांचे प्रमुख नगदी पीक मानले जाते. यंदा हंगामाच्या अखेरीस कापूस वेचणीसाठी मजुरांचा मोठ्या प्रमाणावर तुटवडा जाणवत असून त्यामुळे शेतकऱ्यांची चिंता वाढली आहे. अनेक शेतकऱ्यांनी मजूर मिळावेत म्हणून कापूस वेचणीस तब्बल २० रुपये प्रति किलोपर्यंत दर देण्याची तयारी दर्शविली आहे. मात्र तरीही मजूर उपलब्ध होत नसल्याची स्थिती आहे..यंदा कापसाचे उत्पादन काही ठिकाणी समाधानकारक झाले असले तरी अंतिम टप्प्यातील वेचणी रखडत आहे. मार्च महिन्यातही अनेक शेतांमध्ये कापूस शिल्लक असून तो वेचण्यासाठी मजूर मिळत नसल्याने शेतकरी अडचणीत सापडले आहेत. कापूस वेळेत वेचला नाही तर उत्पादनावर परिणाम होण्याची भीती व्यक्त केली जात आहे..Labor shortage: मजूरटंचाई कायम; काढणीत अडथळे.स्थानिक शेतकऱ्यांच्या माहितीनुसार, दरवर्षी बाहेरील जिल्ह्यांतून येणारे मजूर कापूस वेचणीसाठी मोठ्या प्रमाणावर उपलब्ध होत असतात. मात्र यंदा ते मजूर कमी प्रमाणात आले आहेत. त्यामुळे शेवटच्या टप्प्यातील कापूस वेचणीसाठी शेतकऱ्यांना मजूर शोधावे लागत आहेत. परिणामी, काही ठिकाणी प्रति किलो २० रुपयेपर्यंत मजुरी देण्याची वेळ शेतकऱ्यांवर आली आहे..उत्पादन खर्च वाढ, हवामानातील अनिश्चितता आणि बाजारभावातील चढ-उतार यामुळे आधीच शेतकरी आर्थिक अडचणीत आहेत. त्यातच वेचणीसाठी मजूर न मिळाल्याने शेतातील कापूस शिल्लक राहण्याची शक्यता निर्माण झाली आहे. त्यामुळे कापूस उत्पादक शेतकऱ्यांची अडचण आणखी वाढली आहे..Labor shortage: मजूरटंचाई कायम; काढणीत अडथळे.दरम्यान, कापूस वेचणीच्या अंतिम टप्प्यात मजूर उपलब्ध व्हावेत यासाठी शेतकरी विविध मार्ग शोधत आहेत. काही ठिकाणी शेतकरी कुटुंबीयांच्या मदतीने वेचणी करत असून तरीही मोठ्या क्षेत्रातील कापूस वेचणे अवघड ठरत आहे..शेतकऱ्यांची भूमिका“दरवर्षी बाहेरून मजूर कापूस वेचणीसाठी येतात. मात्र यंदा ते कमी प्रमाणात आले आहेत. त्यामुळे शेवटच्या टप्प्यातील कापूस वेचणीसाठी आम्हाला प्रति किलो २० रुपयेपर्यंत मजुरी देण्याची तयारी ठेवावी लागत आहे,” अशी माहिती पांढरपोनी येथील शेतकरी जितेंद्र चौधरी यांनी दिली..स्थिती एका नजरेतकापूस वेचणी अंतिम टप्प्यातअनेक शेतांमध्ये कापूस शिल्लकमजुरांचा मोठ्या प्रमाणात तुटवडावेचणीसाठी २० रुपये प्रति किलोपर्यंत मजुरीची ऑफरशेतकऱ्यांची आर्थिक अडचण वाढली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
