Nagpur News: ‘‘मागण्यांकडे तातडीने सकारात्मक दृष्टीने पाहिले नाही, तर १० मार्चनंतर राज्यभरातील पशुवैद्यकीय अधिकारी सामूहिक राजीनामे देतील,’’ असा थेट इशारा महाराष्ट्र राजपत्रित पशुवैद्यकीय संघटनेने शासनाला दिला आहे. प्रशासकीय अडथळे, रिक्त पदांचा वाढता बोजा, वेतनातील तफावत आणि सुविधांचा अभाव या प्रश्नांवर आता निर्णायक लढा उभारण्याचा निर्धार संघटनेने जाहीर केला आहे..संघटनेने सादर केलेल्या पशुसंवर्धन आयुक्तांना सादर केलेल्या निवेदनानुसार, ग्रामीण भागात दिवस-रात्र पशुधनाच्या आरोग्यासाठी झटणाऱ्या अधिकाऱ्यांवर कामाचा प्रचंड ताण असूनही आवश्यक मनुष्यबळ उपलब्ध नाही. २४ तास सेवा अपेक्षित असताना दवाखान्यांची वेळ पूर्ववत सकाळी ९ ते ४.३० करावी, शिफ्टनिहाय कामासाठी विभागातील सर्व रिक्त पदे त्वरित भरणे, वर्षानुवर्षे प्रलंबित असलेला परिविक्षाधीन कालावधी संपवून स्थायीकरण आणि प्रशासकीय अधिकारांचे विकेंद्रीकरण जिल्हा व विभागीय स्तरावर करणे, या मागण्यांवर विशेष भर देण्यात आला आहे..Veterinary Doctors Protest: पशुवैद्यक कर्मचाऱ्यांच्या आंदोलनामुळे शेतकऱ्यांची चिंता वाढली; १० मार्चला सामूहिक राजीनाम्याचा इशारा.वेतन व भत्त्यांतील अन्याय हा संघटनेच्या रोषाचा केंद्रबिंदू आहे. वैद्यकीय अधिकाऱ्यांप्रमाणेच वेतन सुधारणा व नॉन-प्रॅक्टिसिंग अलाउन्स (NPA) लागू करावा, आश्वासित प्रगती योजनेतील २५ टक्के निवडश्रेणीची अट रद्द करून १०, २० आणि ३० वर्षांनंतर सरसकट लाभ द्यावा, क्षेत्रीय सेवेदरम्यान झुनोटिक व व्यावसायिक धोका पत्करणाऱ्या अधिकाऱ्यांना विशेष भत्ता, लसीकरण मोहिमांसाठी स्वतंत्र मनुष्यबळ,.Veterinary Law: पशुवैद्यकांकडून कायदा धाब्यावर.डिजिटल माहिती भरण्यासाठी लॅपटॉप, कॅमेरे आणि इंटरनेट सुविधा, शासकीय कामासाठी वैयक्तिक मोबाइलचा वापर सक्तीने न करणे, पशुधनाच्या संख्येनुसार दवाखान्यांचे समानीकरण करणे, महिला अधिकाऱ्यांसाठी स्वच्छतागृहांची उभारणी, औषधांचा दर्जेदार व पुरेसा पुरवठा करणे, ‘पशुसखी (AHELP)’ची नियुक्ती तसेच सेवा प्रवेश नियम व सुधारित आकृतिबंध तातडीने मंजूर करणे, अशा सर्वसमावेशक मागण्यांचा समावेश आहे..आंदोलनाची रूपरेषापशुवैद्यक संघटनेने आंदोलनाची रूपरेषा स्पष्ट केली आहे. त्यानुसार अधिकृत व्हॉट्सअॅप गटातून बाहेर पडणे आणि वैयक्तिक मोबाइलचा वापर बंद करण्यापासून सुरुवात झाली असून काळ्या फिती लावून निषेध, सामूहिक रजा, शासकीय अहवाल सादरीकरण बंद आणि एकदिवसीय किंवा साखळी उपोषण असे टप्पे जाहीर करण्यात आले आहेत. मात्र १० मार्चपर्यंत ठोस निर्णय न झाल्यास ‘सामूहिक राजीनाम्याचा अंतिम पर्याय’ वापरण्याचा इशारा देण्यात आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
